Page 307 - Сергей Васильев. Хоһооннор, поэмалар
P. 307
Сурукка суруллубут, хоһооҥҥо хоһуллубут
Суорба таас хайа хаххалаах,
Суугунуур солко күөх быраан күрүөлээх
Суоттукалыыр эбэм —
Дьэрэлийэр күөх сибэккитин тиһэн, \
Аралыйар алтан отун аттаран,
Таала сыһыы таманыттан
«Таҥара кийиитин» наардаан,
Үрдүк быраан тэллэҕиттэн
Үрүҥ сибэкки хоруонатын холбоон,
Өлгөм үүнүүлээх Өлүөхүмэ буолатыттан
Үтүө сэлиэһинэй сүүмэҕин ситтэрэн,
Сунтаар — Тойбохой оскуолатыттан
Соҕурууҥу сибэкки суордун ылларан
Бу тыыннаах букеты оҥордум,
Бобо баайан эйиэхэ анаатым.
Остуолуҥ ортотугар кини дьэрэлийдин,
Оонньуу-күлэ эргиччи чэмэлийдин!
Эн үтүө дьулууруҥ сибэккилии сирэлийдин,
Илгэ-быйаҥ халаан уутунуу дэбилийдин!
1954 с.
