Page 306 - Сергей Васильев. Хоһооннор, поэмалар
P. 306
КЭРЭ СИБЭККИЛЭР БУКЕТТАРА
Е л ен а Н а за р о в а ҕ а '
Өрдөөҥүтэ
Үс үрэҕи сыыйбыт үгэстэрдээх,
Өлүөнэ эбэни
Өрө-таҥнары устубут өбүгэлэрдээх,
Мин таптыыр Чурапчым
Ойуурун, чараҥын быыһынан,
От толоон күөх-көбүөр сыһыынан
Уойуулаах ынахтар ханаҥнаһалларын,
Оонньоколоон ньирэйдэр сырсыакалаһалларын
Өрүү долгуйа көрөбүн,
Үөрэн-ыллаан кэлэбин...
Эн, Өлөөнө, онно эрдэ тураҥҥын
Элгээни эймэтэн ынаххын сайдыыргыя
Ыраахтан күи ахсын истэбин,
Ып-ыраас сыһыыга иһиллии киирэбин.
Сүрдээх куйаастарга, сөрүүн киэһэлэргэ —
Ыам кэмнэригэр
Ыаҕаскар үүт үҥкүүлүүрүн сэрэйэбин,
Сэргэ турар асчыттар дьиэлэригэр
Сэппэрээтэр дьирилиирин саныыбын.
Оҕолоруҥ хараҕар, оҕонньоруҥ ньууругар
Улуу үөрүү мичээрин көрөбүн.
Сөрүүн сүөгэйгэр, ууллубут арыыгар
Сүрэҕи долгутар дьолу уймахтыыбын.
Хайҕаллаах үтүе үлэҕэр,
Халыһыйар үрүҥ илгэҕэр
Испиттэн долгуйан махтанабын,
Эйиэхэ бу хоһоон тылын аттарабын.
300
