Page 330 - Сергей Васильев. Хоһооннор, поэмалар
P. 330
Таптал саҥа күҥҥэ талба,
Кини киэһэ эмиэ кэрэ,
Оҕо сааска ордук күндү,
Кырдьар кэмҥэ дьикти кэрэ.
Үрүҥ күннүү күндүтүйэн,
Өрөгөйдөө итии таптал,
Доҕотторго сылаанньыйан
Туругурдун уоттаах таптал.
ТӨРДҮС ЫРЫА
Үкэр окко быардыйал&ан
Үөлээннээхтэр сыламныахпыт,
Үрүҥ көмүс сымыыттанан
Үөрүүбүтүн үллэстиэхпит.
Оҕолорбут куорсун анньан
Хонуу устун дайыахтара,
Кырыыппалаах куоластанан
Кырдал ахсын ыллыахтара.
Үрдүк халлаан мындаатыгар
Өрө көтөн тахсыахтара,
Итии муора кытыытыгар
Элбээн-үксзэн тиийиэхтэрэ.
Куба курдук кылбаҥнаһан
Сайын ахсын кэлиэхтэрэ,
Итии куйаас эҥэрдэнэн
Элиэнэҕэ түһүөхтэрэ.
БЭҺИС ЫРЫА
Туругуруҥ ыраас таптал
Кынатыгар куустарбыттар,
Кэлэр дьикти дьоллоох олох
Килбиэнигэр сиэттиспиттэр!
Туругуруҥ хотун Лена
Торҕо солко толоонноро,
Туругуруҥ очуос хайа
"Толбон көмүс чыпчааллара.
324
