Page 427 - Сергей Васильев. Хоһооннор, поэмалар
P. 427
«Аҕам биир атыыһыҥка
Ат көрөн айаҥҥа,
Дьааҥылыы сылдьан хаартылаан,
Дьарык оҥостон бырыылаан,
Икки истээх сону сүүйбүтүн истибитим,
Эргэрэн бүппүтүн көрбүтүм.
Ол хамнаһынан эбинэн,
Уус харытын сиилэтинэн
Эдэр кунүгэр сылдьан,
Эрэйдэнэн биир дьиэни туттубута.
Эргэрэн. ааһа кырдьан,
Эмэҕирэн үрдэ сууллубута.
Хааттыһыттары кулаактыыр,
Хас дьиэлээҕи саарбахтыыр
Сокуон баарын билбэппин,
Сураһан даҕаны истибэппин».
«Ханнык эмиийи эммиккиний?
Ханна тиийэн иитиллибиккиний?
Тоҕо Эргиэнэп буолбуккунуй?
Туохтан Дьарааһынап диэни булгуппуккунуй?»
«Кыайан иитиллибэт кыһалҕатыттан
Кырдьаҕас эдьиийбэр оҕоломмутум.
Эдьиийнм араспаанньатыттан
Эргиэнэп диэн -буолбутум,
Ити курдук, эмиий диэни эммэтэх,
Ийэни-аҕаны билбэтэх
Тоҥмут-хаппыт муҥнаахпын,
Тулаайах курдук сордоохпун...»
Директор кыратык сонньуйда,
Тэтэрээгигэр тугу эрэ суруйда...
Өлбөөдүйбүт кыһыҥҥы күн
Үрдүк хайа кэтэҕэр
Үҥкүрүйэн бытааннык тиийдэ.
Икки муостаах саҥа ый
Илин халлаан иитигэр
Эҥийэлээн кылайа таҕыста.
421
