Page 432 - Сергей Васильев. Хоһооннор, поэмалар

Үс киһи нөҥүөттэн өлөрсүөххэ,
Сэттэ киһи кэнниттэн ситиһиэххэ...»
Олорордуун-сытардыын чөрбөһөн,
Бары адаарыҥнаһан турдулар,
Остуолга кэлэн төҥкөһөн,
Бастарын холбуу туттулар.

Иһиллибэттик сибигинэстилэр,
Элбэх элбэҕи сүбэлэстилэр.

«Өкүүчэ тулаайах 'буолан,
Өр сылларга үөмэ сылдьан,
Дьааҥы баайдарын кэрийбитэ,
Чаҕардаан онно иитиллибитэ.

Кулаак кыыһа үһү диэххэ,
Өлөксөйгө онон өтөн киириэххэ.
Хаһан Дьааҥыттан ыйытыахха диэри
Хара тураах маҥхайар ини...»—

Улаханы өйдөөбүт киһилии
Улаҕаттан Кубаача сыҕарыҥнаатэ,
Сиҥнибит күөл чөҥөчөгүнүү
Сирэйэ-хараҕа кубарыҥнаата.

«Дьэ, ити садмай сөп этии,
Дьиэк аата дьиэк, биир тэбии.
Муҥха хараҕа силиннэҕинэ
Мунду да таба ылларбат.
Бүтэй маһа суулуннаҕына
Борооску даҕаны хаайтарбат.
Аһаҕас ытыстаахтарга,
Ама, биһиги да ылларыахпыт дуо ыттарга

Өлөксөй курдуктар тоһуннахтарына
Өрө көрбүттэр өлбөөдүйүөхтэрэ.
Кодхозтар, артыаллар ыһылыннахтарына
Хомуйуустар даҕаны хобуссуйуохтара.

Сяллиэ-халарык ытылыннын,
Земпередел таҥнары булкулуннун!» —
426