Page 444 - Сергей Васильев. Хоһооннор, поэмалар
P. 444
Арай, Силтэһин силбиэтэнэн,
Араастаан дьоннору үөҕүтэлээтэ,
Уһуннук былдьаһан тыл этэн,
Улаатынар Охоноону кириитикэлээтэ.
«Хаартыһыт этэ» диэн утарсан
Хаста да туран хаһыытаата,
«Дьадаҥыттан» диэн туруорсан
Дьантаайабы дьокутаакка хандьытааттаата
Ону Кынчаайап «оокуону быһаарыынан»
Уулуу тумнан, ырааҕынан,
Оҥосто-оҥосто ытаһалаата
Дьантаайабы дьадаҥы төрүттээҕинэн,
Сиргэ-дойдуга биллиилээҕинэн
Ситэрэн-хоторон төһүүлээтэ.
Ол, кинилэр этиилэрэ,
Уодаһыннаах тахсыылара-киириилэрэ
Дьон өйүгэр хатаммата,
Дьукку, муунтаҕа да ыйаммата.
Өлөксөй сайыҥҥы күннүү наҕылыйан
Өр, дьощу кытта кэпсэттэ,
Күһүҥҥү ыал оҕонунуу чаҕылыйан
Күлэ-|үөрэ сэһэргээтэ:
«Орто дойду мөкүнүгэ
Оҕус муоһугар үөскээбэтэҕэ,
Аан дойду дьэрэкээнэ
Айыы таҥаранан айыллыбатаҕа.
Дьэргэл-дьэрэкээн талбата
Чэрдээх илиинэн айыллыбыта,
Үрүмэ долгун барыта
Үлэһит илиинэн өрүллүбүтэ.
Биһиги, бу олорооччулар,—
Буулаҕа бурҕалдьыны кэтэн
Боҕуйаары төрөөбетөхпүт,
Сүрү-кэби сүүйтэрэн
Сугүрүйээри төрөөбөтөхпүт.
438
