Page 439 - Сергей Васильев. Хоһооннор, поэмалар

Ол курдук Өкүүчэ иһэрин,
Олбуор ааныгар нэһиилэ киирэрин,
Кунаахап Дьөгүөссэ Кубаачалыын
Өссө биир ханнык эрэ уоллуун
Ыраахтан тохтоон көрдүлэр,
Ыйа-ыйа күллүлэр.

Хараҥа халлаан намтаата,
Хатан сулус арҕаалаата.

* *
*
Оскуолаҕа биирдэ мустан
Мунньахтаары гыннылар.
Улуустан, обкомтан, горкомтан
Элбэх дьоннор кэллилэр.

Улаатынар Охоноон эмиэ кэлбит,
Урутаан киһи-киһи иннигэр киирбит.

Оҕолор бары чөрбөстүлэр,
Олус киһи элбэҕин сөхтүлэр.
Силлиэ түһүөн иннинээҕи
Сэбирдэх курдук си'бигинэстилэр,
Муустаах ардах кэннинээҕи
Мутукча курдук ботугурастылар.

Сорохтор быһыта сэрэйэн:
«Өлөксөйү буруйдаары», — дэстилэр.
Сорохтор өрө чэрэһэн
Ким туох диҥрин кэтэстилэр.
Улахан сценаны киэптии,
Остуол кэннигэр кэккэлии,
Ыалдьыттар тахсан олордулар,
Ыйаан, бытааннык саҥардылар.
Обком секретара туран,
Оҥостон анаан тыл ылан:
«Өлөксөйү манна ыҥырыахха,
Олохто эбии аҕалыахха», —
Диэн этии киллэрдэ,
Ытыс тыаһа ньиргийдэ.
28 Сергей Васильев 433