Page 445 - Сергей Васильев. Хоһооннор, поэмалар
P. 445
Биһиги,—
Санаа хара тааһын
Санныга сүгээри төрөөбөтөхпүт,
Аһыылаах харах уутугар
Чачайаары төрөөбөтөхпүт.
Биһиги,—
Саҥатган саҥаны сандаардарга
Салаллан төрөөбүппүт.
Орто дойду олоҕун тупсарарга
Оҥоһуллан төрөөбүппүт.
Чэйиҥ, кэлиҥ, ъигырсан
Чэчир анньая барыахха,
Земпеределгэ турунан
Сиэттиһэн-холбоһон иһиэххэ.
Иҥсэ-обот тымырыя
Ирдээн-тордоон ылгыахха,
Ийэ еирбит быйаҥын
Инҥибитигэр тардыахха.
Алаастарбыт, алардарбыт
Ас-чаллараҥ аллыахтара,
Төрөөбүт сайылыктарбыт
Дьол биһигэ буолуохтара.
Ыраас-дьэҥкэ халлаанынан
Ырыа-тойук аргыстаныахпыт,
Күлүмүрдэс санааланан
Күлүлүрбэт иьуурданыахпыт.
Чэйиҥ, кэлиҥ, ыҥырсан
Чэчир анньан барыахха,
Земпеределгэ турунан
Сиэтгиһэн-холбоһон иһиэххэ.
Күн сирин күндүтүн
Көрөөрү эрэ төрөөбөтөхпүт,
Саҥаттан саҥаны сандаардарга
Сананан төреөбүппүт,
Орто дойду олоҕун тупсарарга
Уһуктанан төрөөбүппүт.
43^
