Page 441 - Сергей Васильев. Хоһооннор, поэмалар

«Улуустарга илиини уунарга,
Оҕолору талан ыытарга»
Уоттаах-төлөннөөх кэпсэтиинэн
Уураах ылан мунньах|уурайда,
Охсуһуу толоонунан, силээнинэн
Умуллубат төлөн умайда...
Саһаан хаар ууллуута,
Сандаар саде буолуута,
Земпередели ыытыһан,
Сир-дойду дьолун тутуһан,
Сайдыы суолун тэлэйсэ,
Саҥа олоҕу тэрийсэ
Улуус аайы ананан,
Уолаттар, кыргыттар таҕыстылар,
Хар'баЬар хабараан баҕанан
Ханыылаһан бардылар.
Өлөксөй бэйэтин улууһугар
Үһүө буолан таҕыста,
Нэһилиэк улуу сайылыгар
Оҕонньоттору кытта хаамыста.
Активтар бастаан туруннулар,
Ампаар аайы муһуннулар.
Дьадаҥылар эрдэ сүбэлэстилэр,
Дьаһал тула сэһэргэстилэр.
Дьахталлар эмиэ ханыыластылар,
Таһырдьа мунньахтаан таҥыалластылар.
Атыыһыт Сүөдэр доҕорунуун
Ааттаах атаһынаан—Кынчаайаптыын
«Сыгынах» алаас куула тумулугар,
Сылгы киирэн уулуур суолугар
«Ааһан иһэн» түбэһистилэр,
Аараан-тохтоон сэһэргэстилэр.
«Уллуҥахпыт суолун мээрэйдээтилэр,
Уобаласка тиийэ бэлиэтээтилэр.

Атыллыырбытын барытын билиэхтэрэ,
Аргыыйыҥ, тыынарбытын да истиэхтэрэ.
Күөх оту тосту үктүөмүөххэ,
Көхсү даҕаны этитимиэххэ.
Сири буоллар ыллынар,
Сиэтинэр, буоругар туоллунар.
Баҕар онтон бэтиллиэхтэрэ,
435