Page 450 - Сергей Васильев. Хоһооннор, поэмалар

«Үтүө суруксуту» Кынчаайабы
Үлэпиттэн уһуларга...»—
Адаарыччы ууннулар.
Үөрэн, уолаттар киэпкэлэрин
Өрүтэ бырахтылар.

Өлексөй убайын Унаа|ры,
Үөлээннээҕин Улаатынар Охоноону,
Онтон даҕаны атыттары,
Уоттаах-төлөннөөх актыыптары
Сир хамыыһыйатыгар талан
Ситэрэн-хоторон турдулар,
Ытыстарын күүскэ таһынан
Мунньахтдрын саптылар.

Ойуур-толоон саҕатыгар
Оонньуу-күлүү саҕаланна.
Ыал аайы, тигиик далыгар
Ыыспа түптэ унаарыйда.

Киҥкир ойуур быыһыгар
Кэҕэ этэн чорлуйда,
Сата хайа баһыгар
Саҥа сатараан дуорайда.
Ким кылыйан кыыралдьытта,
Ким ысгаҥалаан быыралдьытта.
Ким үҥкүүлээн күөрэлдьиттэ,
Этэн-туойан дьиэрэлдьиттэ.
Илин саҕах иитигэр
«Эдэр иэдэс» тэтэрдэ.
Күөх халлаан күөнүгэр
Күөрэгэй тахсан битийдэ.
Арай, соҕотох Силтэһин
Аҥаарыйа өһөн чуумпурда,
«Туорай-хатай бүлтэһин»
Туруору ыйыстан сырытта.

Атыыһыт Сүөдэр дьиэтигэр,
Аргыардаах ампаарын иһигэр,
Оһуордаах оронун улаҕатыгар,
Ойбон анныгар тимирбит
444