Page 453 - Сергей Васильев. Хоһооннор, поэмалар

Сир-дойду иэнигэр
Синньэ-дьэрэкээн ситиитэ,
От-мас уһугар
Уһуор ойуу бааллыыта,
Отчут-масчыт оҕонньоттор
Хотуур угун тардыылара,
Кындыа-кылыс кыргыттар
Кыраабыл, атырдьах булуулара,
Хамыыһыйа үлэтин бүтэрдэ,
Нэһилиэк дыүүлүгэр киллэрдэ.

Ыраах-чугас ыҥырылынна,
Аттаах-сатыы хамылынна.
Ынахтарын өрөтө-өрөтө,
Ааннарын баттата-баттата
Эмээхситтэр, дьахталлар киэргэнэн,
Эриэн былаатынан симэнэн,
Сиэттиһэ-сиэттиһэ субуелулар,
Сир сибэккитинии нолустулар.

Хатан, этигэн тыллаах
Хамыстарын укта-укта,
Кыһыл, хара таастаах
Кырыбыайкаларын анньына-анньына
Кыргыттар ыҥырсан тиэтэйдилэр,
Кырдалы таһынан тэлээрдилэр.

Киэҥ сайылыгы толору
Киһи бөҕө тоҕуоруйда,
Оҕуруот аайы ыксары
Оҕо-уруу М|унньуһунна.
Хамыыһыйа үлэтин кэпсиир,
Дьон-норуот эҕэрдэлиир.

Байбал кинээс баһылаабыт
«Баҕарах тердө» алааһын
Ыкынаан оҕонньорго биэрэргэ,
Ытыс тыаһа ньиршйдэ.
Супту уулаан сонообут
Суухап 'кулуба «толоонун»
«Хардыы» колхозка биэрэргэ,
Хаһыы, эҕэрдэ ньиргийдэ.
447