Page 452 - Сергей Васильев. Хоһооннор, поэмалар

Ардыгар быанан кириэстии тардаллар.
Халдьаайыга тохтоон, сынньанан,
Хаста эмэ табахтыыллар,
Күөллэргэ сөтүөлээн, ауунан
Күллүргэтэ оонньууллар.

Ардыгар бары аттанан
Айдам тыаны быһаллар,
Алаастарга эмискэ кутуллан
Аараан-тохтоон ааһаллар.
Ыаллартан ыалларга хонон
Сири-дойдуну дьүүллэһэллэр,
Дьиэлээхтэр остуол тардан
Дьэдьэннээх утаҕынан көрсүһэллэр.

Дьоннор нэһилиэк үрдүнэн
Дьулуһан үлэҕэ таҕыстылар,
Бүтэй маһа кэрдинэн
Бэлэмнэнэн истилэр.
«Хардыы» колхоз ыаллара
Харыйалаах арҕаа саҕатыгар,
«Куодуһуу» колхоз ыаллара
Кубалаах илин куулатыгар
Тутуу маһын тэлгээтилэр,
Тура су оран күндүллээтилэр.
«Үүнүү» колхоз ыаллара
Үрэх үрдүк тумулугар,
«Доҕордоһуу» колхоз ыаллара
Дойду нэлэмэи кытылыгар
Бурдук сирэ солоннулар,
Булуук, барамньы булуннулар.
Өлөксөй онно сылдьыһан
Үөрэ-көтө үлэлэстэ,
Сүүрэ-көтө чаҕылыһан
Сүбэлэһэн-амалаһан көмелесте.

Кырдал-толоон аайытын
Кылыһыы, сырсыы үксээтэ,
Ыал, ыал аайытын
Ырыа-тойук элбээтэ.
446