Page 54 - Сергей Васильев. Хоһооннор, поэмалар
P. 54
Сирилээн-курулаан
Таҥнары сайгыыра,
Чырылыы устара.
Сииктэлээх, талахтаах
Күөх дьирбии аппанан,
Суураххай кумахтаах
Сүүс курдук саалынан
Таба кыыл ааһара,
Туйаҕа тыаһыыра.
Ол хайа анныгар —
Дьапталҕа кирилиэс,
Аппатын быыһыгар —
Ууллубут сибиньиэс
Муус курдук сытара,
Муох ону сабара.
Онуоха эппитим:
— Санаабын снтиэҕим!
Күн сарсын, Тукулаан,
Тобулу хаһыаҕым!
Массыына аҕалан
Курдаттыы ааһыаҕым!
Тюҕута силэйэн
Сыа хаардыы күрдьүөҕүм
Ыллыктыы килбэтэн
Тимир суол сүүрдүөҕүм!
Мэҥитэн-иһиирдэн
Боробуос ыытыаҕым!
Кылбайар ыстаалым
Үрдүгэр олорон,
Арҕаһын үрдүнэн,
Айааран ааһыаҕым!
Былыты быыһынан
Элиэтии сылдьыаҕым!
Сибиньиэс кылааккын
Элийэ суоруоҕум;
Сомоҕо көмүскүн
Остуолга мунньуоҕум,
А*
