Page 49 - Сергей Васильев. Хоһооннор, поэмалар

— Күөҥҥүнэн тэппитин
Эстибит «оноҕос».

...Сүүрбэ 'биир сыллаахха
Үһүскэр барбыккын,
Кутаа уот сэриигэ
Өлбүтү таспыккын...

Ол долгун сүппүтэ,
Соноҕос, дьоруолаа,
Туйаҕын типпитэ
Ол курдук буруолаа...

Табаҕа байҕала
Көмүстүү долгуйар,
Бааһына «бурҕала»
Ытылла оргуйар...

Соноҕос, кэтээмэ,
Ол үөмэр булчуту,
Саа уота диэхтээмэ,
Ол көтөр буруону...

Соноҕос, дьоруолаа,
Кулгааххын чөрөтөн!
Ыраастык ууралаа,
Түргэнник сэгэтэн!..

Көстөллөр дьэргэйэн
Табаҕа ыаллара,
Бу барда дьыргыйан
Маосыына суоллара...
Дьэ, сарсын үөрүүнэн
Табаҕа колхоһа
Массыына күүһүнэн
Ыһыыга тахсыаҕа...

Аныгы Табаҕа,
Дьэ, атын Табаҕа,—
Колхозтаах Табаҕа,
Үлэлиир Табаҕа...
43