Page 52 - Сергей Васильев. Хоһооннор, поэмалар
P. 52
Халлаан саҥа сырдыыта
Ньурба чугаһа билиннэ.
Дьиэтин сарайын кырыыта
Кылбайан-туртайан көһүннэ.
Борокуот гудога чускуутаан,
Халлаан көхсө дуораһыйда,
Хайа баһа сатараан,
Ньурба иэнэ уораһыйда.
Үрүҥ, хара таҥастаах
Үгүс киһи муһунна,
Кыһыл оолко былааттаах
Өрүс хааһыгар хойунна.
Биэрэк үрдүгэр килэччи
Дьааһык, буочука дьаптанна,
Даркы курдук тэлгэччи
Массыына бөҕө кыставна.
Манна миэнэ доҕорум,
Көрдөөх көмүс далбарым —
Учуутал буола кэлистэ,
Үөрэ-көтө көрүстэ.
Кини дьону үөрэтэн
Харах сулус буолуоҕа,
Кыымныы өрө күерэйэн
Кылбайа сырдыы туруоҕа.
1931 с.
