Page 51 - Сергей Васильев. Хоһооннор, поэмалар
P. 51
НЬУРБА БИЭРЭГЭР
Ворокуот аалым соһуута
Ньурба диэки эрдиннэ.
Тоҕус нүөмэрдээх каюта
Уота тыган көһүннэ.
Хайа, мыраан үрдүнэн
Хара былыт халыйда,
Төгүрүк түннүк үүтүнэн
Түүҥҥү хараҥа барыйда.
Түүҥҥү түлүк диэбэккэ
Борокуот устан дьулуйда.
Сууллар кумах биэрэккэ
Эрдии баала оҕуста.
Борокуот маягын үрдүгэр
Лаампа уота сандаарда,
Өрүс уутун сүнньүгэр
Сырдык тыган сыдьаайда.
Үрүмэ долгун көхсүгэр
Күлүм-чаҕыл оонньоото,
Бүлүү өрүһүн сүүрүгэр
Көмүс курдук уһунна.
45
