Page 62 - Сергей Васильев. Хоһооннор, поэмалар

* *
*
Көҕөн кус көҕүлүн
Тэлгэппит диэх курдук,
Көҕөрө-долгуйар
Күөх сыһыы көһүннэ.

Көлүйэ долгуна
Сиэркилэ таас курдук,
Күн диэки килбэҥнээн
Күлүмнүү сыдьаайда...

Күөх хампа сэбирдэх
Киистэтин иилиннэ,
Чараҥ тыа мутуга
Чэлгийэ хамсаата.

Күкээркэй баттахтаах,
Саһархай күөн сыыетаах,
Талахпыт чыычааҕа
«Чырып-чыып» саҥарда.

Кэрэ чуор куоластаах,
Кэҕэ кыыл кукууктаан,
Киҥкиниир-хоҥкунуур
Киэҥ тыаны аймаата.

Салгыҥҥа уйдаран,
Күөрэгэй туйааран,
Биир сиргэ битийдэ,
Дьирилии ыллаата.
56