Page 94 - Сергей Васильев. Хоһооннор, поэмалар

Кытыаста күөдьүйбүт
Кыһабар күөттээн,
Тоҕус болгуоттан
Чулуулаан хаалбытым,
Сэттэ болгуоттан
Чиргэллээн ылбытым...

Ыстаал бэрдэ буолан
Ыллаан лыҥкынаатын — диэн,
• Кырыы лэкээ саҕа
Кыстыкпар төкүнүтэн,
Баччыр оҕо саҕа
Балтабынан ньээкэйэн,
Ыас курдук эллээбитим,
Ыга, сыына таптайбытым.
Аан Ийэ дойдум харысхалыгар,
Аймах-хаан дьонум дьолугар
Амырыыныгар, кылааныгар
Абытайдаах буоллун — диэн,
Хахырыйан-хахырыйан,
Хаптаччы аалбытым.
Үрүҥ тыын толугар,
Өрөгөй-талаан былдьаһыгар —
Сүрэҕи токкустун,
Сүһүөҕү сөһөстүн — диэн,
Кыкырыйан-кыкырыйан,
Кылааннаах уһуктаабытым.

Кырдьыкпыт иннигэр
Кыргыһар күммүтүгэр,
Иҥииргэ бэггибэтин,
Эккэ бөппөтүн — диэн,
Игиибинэн кикирийэн,
Икки өттүгүнэн биилээбитим.

Тыҥырахтаах аймаҕын
Тыынын иһиллииргэ,
Тымырын баттыырга
Наада буолуо — диэн,
Нарылаан-намчылаан,
Тыһы кыл курдук
Тыргыл-сытыы кылааннаабытым.
88