Page 89 - Сергей Васильев. Хоһооннор, поэмалар

Остуорас Түмэппий оҕото Лэгиэнтэй,
Кунаны айааһаан сир тиэрбит сэгэттэй,
Улаатаат — учуутал, ыччаты үөрэтэр,
Анньыммыт медала кинини киэргэтэр.

Үлэһит киһи дьэ күн диэки хайыста,
Бухатыыр бэрдинии, эрдээхтик тутунна,
Төрөөбүт кыраайын ии курдук эргийдэ,
Сир-дойду үрдүгэр хаһаайын — мин! — дэннэ.

Өрөөбүт уоопутун Октябтан аспыттар,
Үөрүүлээх дьолбутун хоһуйан ыллыыбыт,
Ыар баттал ьгнырын тулуйан ааспыттар
Ыралаах кэскилбит эрэлин тыллыыбыт.
Коҥүллээ, саха ол бэйэтин туһунан
Ыллаабыт ырыатын бу манна холбуоҕу,
Хомуска эйээрдэн, хоһоонун саҥардан,
Хочоҕо киирэммит бу курдук туойуоҕу:

«Урукку үйэҕэ кэлгиллэ сыппыппыт,
Уотунан таһыллан иэһэрэ хаппыппыт,
Ол иһин силлиэнэн сэтэрэ сүүрбүппүт,
Ол иһин урукку олоҕу үүрбүппүт.
«Коммунизм чаҕылхай таас дьиэтин тутабыт,
Суолугар күн көмүс талаһа уурабыт.
Ол иһин туохтан да толлубат эрдээхпит,
Ол иһин баараҕай балаһа күүстээхпит.

«Убайым — эн, нуучча, көлөттө сыппыты
Коннөрө тардаҥҥын, кэллибит бу бары.
Ол иһин эн итии илиигин тутабыт,
Ол иһин хаан-уруу бырааттыы буолабыт.
«Эн, Сталин, Күн-Ленин былааҕын көтөҕөн
Аан дойду үрдүгэр сыдьаайа тыгаҕын!
Ол иһин эйиэхэ эҕэрдэ ыытабыт,
Ол иһин эйиэхэ бу айхал аныыбыт.
«Кыраайбыт аан дойду уорҕатын киэргэттиҥ,
Олоҥхо аар-хатыҥ маһыныы чэлгиттиҥ!
Бу саха сир үрдүн эргийэ хаамыстыҥ,
Эдэркээн киэбинэн эрдээхтик сылдьыстыҥ!
6* 83