Page 83 - Сергей Васильев-Борогонскай. Поэт уонна гражданин

Суруйааччылар фронтан төннөллөрүгэр Сахаларып си-
ригэр элбэх байыаннай матырыйааллаах кэлбштэрин туоһу-
луур испииһэктэрэ Партия Саха сиринээҕи Клин Ситэрии-
лээх Комитетын пропагандаҕа уонна агитацияҕа отделын
фондатыгар «Переписка с Союзом писателей Якутии» дьыа-
латыгар тиһиллэ сылдьар. Манна ыйылларынан, суруйаач­
чылар уопсайа 17 матырыйааллаах кэлбиттэр. Матырыйаал-
ларга Армия политотделын начальнига Воронов суруктара,
буойун-художник Николай Ефременко 16 фронт туһунан
линогравюрата, Кыһьш армия хаһыаттара, саха буойуннарын
суруктара уо.д.а. бааллар.
Ити курдук поэт фронт олоҕун дьиҥ хараҕынан көрөн-
билэн кэлэр уонна сэрии тематыгар анаан «Улуу Ильмень»,
«Айхал» уо.д.а. айымньыларын суруйар. «Улуу Ильмень» бал-
ладата сэрии кэннинээҕи саха литературатын биир бастыҥ
айымньытын быһыытынан норуокка киэҥник биллэр. Бу
баллада кылгас кэм иһигэр хаста да бэчээттэнэн, нууччалыы
тылбаастанан тахсыбыта. Автор бу үлэтин иһин П.А.Ойуу-
нускай аатынан Саха АССР Государственнай бириэмийэтин
лауреата буолбута. Онтон «Айхал» историческай-патриотиче-
скай поэматын төрдүс чааһа «Кыайыы ыһыаҕа» диэн аатта-
нан тохсунньу 6 күнүгэр 1945 с. «Кыым» хаһыакка бэчээттэнэр:
Ыаллаах сайылык саҕатыгар
Ырыа-тойук дьиэрэйдэ,
Олбуор-ампаар иннигэр
Оҕо-уруу оонньоото.
«Кыайыы-хотуу буолла!» диэн
Кылбаарытта кырдал аайы.
Кырдъаҕастыын-эдэрдиин муһуннубут:
«Үөруу-көтуу буоша!» диэн
Үрэх-алаас аайы
Үксээн-умуөрэн таҕыстыбыт.
Саргылаах Сахаада урдунэн
Сайытгы сандал маҥан кун
Сарыал чаҕыла тыкта.
Унаарар сыһыылар саҕаларыгар
Омоҕой эһэбит оонньуута
Уйгулаах ыһыах аһылынна............ —
диэн ис хоһоонноох поэманы ааҕааччы сэҥээрэн, Улуу Кыа-
йыыга анаан театрализованна!! концерт туруорарга этии
киирэн, дьон сыанабылыгар улахан сыанаҕа тахсар.

81