Page 148 - Сергей Васильев. Өлбөт өрөгөй
P. 148
Көҥүллүк, холкутук тыынабыт,
Көхтөөхтүк уһана турабыт,
Итии тапталы билэбит,
Ис сүрэхтэн үөрэбит!
Эн өрүү тыыннааххын,
Эн күнмээҕэр сылааскын,
Түүн даҕаны киирбэккин,
Былыкка да саспаккын.
Сир-дойду үрдүнэн
Сидьиҥи барытын сиҥнэрэн,
Үлэлээн иитиллэр норуоту,
Үүнэр-үрдүүр дьолу-соргуну
Ылаарар сырдыктан сырдыкка
Ыҥыра, ытыара тураҕын!
Эн, биһиги Лениммит,—
Эргиччи сыдьаайар эриэккэс күммүт!
ХОТУ ЫЧЧАТ ХОҺООНО
(Ырыа)
Хоту дойду эдэр хотойдоро —
Комсомоллгр, ыччаттар турдубут.
Уһугунна хотун Лена хочолоро,
Уруйдаан кинини дуораччы туойдубут.
Дьиэрэйэр үөрүүлээх ырыабыт
Дьиримниир дьүкэзбил төлөннөөх,
Киҥкиниир килбиэмнээх халлааммыт
Кэрэтиэн, сандаарар сыдьаайдаах.
Унаар маҥан халлааҥҥа
Оонньуур күлүм дьүкээбил уота.
Арылыйар хоту саҕахха
Айылҕа кэрэ төлөн кыната.
Ыраах тайҕа чулуу булчуттара
Ыллыы-туойа сэлэлээн киирдибит.
134
