Page 143 - Сергей Васильев. Өлбөт өрөгөй
P. 143
ЫЙГА
Өйдүүбүн, өрүү өйдүүбүн,
Үөрэ-махтана өйдүүбүн,—
Кыараҕас, иҥнэри түннүгүнэн,
Кырыалаах мууһу симиктик өтөн,
Ийэм эрэйдээх оронун сырдаппыккын,
Эмэкэбин булларан үүтү куттарбыккын.
Отчут-масчыт норуот иннигэр
Оннук аҕалыы кэрэ үтүөҕэр
Үрүҥ күммүт үөлээннээх доҕоругар,
Үөрүү-көтүү сырдык аргыһыгар
Кыырайда эйиэхэ бу көмүс мэтээл,
Кылбайдын түөскэр, өрүү кэтээр!
Өйдүүбүн, өрүү өйдүүбүн,
Үтүв5үн-өҥө5үн өйдүүбүн,—
Киэһээ дьону ликбезкэ үөрэтэ,
Кимнээҕи эрэ колхозка киллэрэ,
Ууну, тыаны оломнообут,
Улууһу, нэһилиэги уҥуордаабыт,
Кыараҕас, бүтэй суолларбын,
Кыйдаммарбын, көнө дабааннарбын
Ыраахтан манаан чаҕылыппыккын,
Ыйдаҥанан тула сырдаппыккын.
Оннук, кыһамньылаах «үлэлэргэр»,
Умнуллубат кэрэ үтүөлэргэр
Үрүҥ күммүт үөлээннээх доҕоругар.
Үлэ дьонун үтүө аргыһыгар
Кыырайда эйиэхэ бу көмүс мэтээл,
Кылбайдын түөскэр, өрүү кэтээр!
Өйдүүбүн, өрүү өйдүүбүн,
Өлбөт-сүппэт эдэр сааһы өйдүүбүн,—
Кыыстаах уол күүтүһэрин,
Кыбыста-кыбыста көрсүһэрин.
5 Заказ № 236 120
