Page 151 - Сергей Васильев. Өлбөт өрөгөй
P. 151
Үөрүү да
буолуох эбит.
Үчүгэй да
кэлиэ эбит.
Биһиги-коммунистар
Бигэ тылы этэбит:
Орто дойду олоҕун
Оҥоруохпут саҥалыы!
Аан дойду ырыатын
Айыахпыт айхаллыы!
1952 с.
КЭПСЭЭҤ ЭРЭ!
Дорообо,
Айдаарбыт-чугдаарбыт аар тайҕам!
Тахсыбыт, дабайбыт таас хайам!
Эһиэхэ эргийэн-туоруйан бу кэллим,
Ичигэс тыыҥҥытын сүрэхпэр тириэттим.
Сиэдэрэй кэмнэрбин, күөгэйэр күннэрбин
Сиидэстии сахсыйан букатын бүтэрдим.
Кырдьыбыт сүрэхпин, арҕахтаах эһэлии,
Кый ыраах агдабар иһитэн кэбистим...
Эһиги даҕаны сааһыран кэлбиккит,
Элбэх сыл хардыытын силлиэнэн билбиккит...
Дьэ кэпсээҥ үлэбин хайдахтык түһүүгүт?
Дьиэрэҥкэй тэбэрбин үгүстүк көрөҕүт?
Уһуннук-уһуннук сылдьыаҕым буолаарай?
Омуннаах хомуһум дьиэрэйэ тураарай?
ДЬОЛ УОННА СОР
Дьол икки
Сор икки
137
