Page 150 - Сергей Васильев. Өлбөт өрөгөй
P. 150
Сэрии диэни суох гыныам этэ.
Орто дойду үрдүттэн
Ордук сананыыны суох оҥоруом этз.
Омук омуту
Оҕус курдук көлүйэрин
Ончу сүтэриэх этим.
Киһи киһини
Кэрбээччи курдук тиниктиирин
Килбэччи мэлитиэх этим.
Аан дойдуга аҥардастыы
Алгыс эрэ аатырыа этэ.
Орто дойдуга соҕотохтуу
Уруй эрэ олохтонуо этэ.
Санаа хара былыта
Садаҕаланыа этэ.
Ынчык сымара тааһа
Ыраастаныа этэ.
Сир ийэ иэнигэр
Сибэкки бөҕө
Сириэдийиэ этэ.
Торуой-ыраай дойдуга
Торҕо-солко
Тоҕуоруйуо этэ.
Алгыһынан-дьолунан
Аартык суолун
Арыйыах этим.
Ыллаан-туойан
Ыал ахсын
Киириэх этим...
Күлүгэ суох
Көрүҥнэниэх этибит.
Тумана суох
Ньуурданыах этибит.
136
