Page 16 - Сергей Васильев. Өлбөт өрөгөй
P. 16
ЭДЭР ЫЧЧАТ
Эдэр ыччат ньиргийэн,
Ыллыы, туойа тахсыаҕыҥ,
Үгүс дьону тэрийэн,
Оонньуу-күлэ сылдьыаҕыҥ.
Үрдүк дьоллоох үөрүүнэн
Норуот ньуура сырдаатын!
Эдэр ыччат көҕүнэн
Иҥин хаана тэтэрдин!
Былаахпытын күөрэтэн,
Тэҥҥэ үктээн киириэҕиҥ,
Онно дьону үөрэтэн,
Ыллаан, туойан биэриэҕиҥ.
Үөрэр-көтөр ырыаттан
Норуот ньуура сырдаатын!
Үгүс ыччат тыыныттан
Иҥин хаана хамсаатын!
Күүстээх дохсун күрэхтээх,
Үүнэр ыччат буолабыт,
Ленин суола үөрэхтээх,
Сырдык дьолу тутабыт.
Үөрэр-көтөр ырыаттан
Норуот ньуура сырдаатын!
Эдэр ыччат тыыныттан
Иҥин хаана хамсаатын!
Үлэ күүһүн көтөҕөн,
Бастаан-көстөөн иһэбит,
Онно дьону өйдөтөн,
Суолу тэлэн эрэбит.
Ю
