Page 17 - Сергей Васильев. Өлбөт өрөгөй

Үөрэр-көтөр ырыаттан
Норуот ньуура сырдаатын!
Эдэр ыччат тыыныттан
Иҥин хаана хамсаатын!

КЫЛИЫЫЛААХ СУОЛУНАН
Комсомол Саха сиринээҕи тэрилтэтэ
15 сыла туолуутугар
Сир-халлаан силлиэрэн, таҥнары ытыллан,
Өһөхтөөх хаанынан түҥнэри көрбүтэ.
Дьэс буулдьа тоҥ маска, киһиэхэ дьааһыйан,
Куҥ эти ытыран, куһуура көппүтэ.
Мутуктан мутукка хаан, сэмнэх уобуулаах
Хааҕыргыыр хара суор сапсыйа көппүтэ.
Кириэстээх-мэтээллээх, нэлэккэй уолуктаах,
Хаан өһөх дьабадьы ырбайа күлбүтэ.
Ол баанда алдьатар айдаанын утары,
Чуонустар эрдээхтик түмүллэн испиппит,
Илиитэ чэрдээҕи, сытары-турары —
Барытын тэрийэн сэриигэ киирбиппит.
Оргуйар оборчо үрэҕи, дьэбэни,
Тэхтиртэн тирэнэн, үрдүнэн ойбуппут.
Кыскыйар кыыдааннаах буурҕаны-силлиэни
Утары ыстанан, сиэлиттэн туппуппут.
Киллэмҥэ, Майаҕа, Төхтүргэ — хайа5а
Тоҥ буору түөрэммит окуопа хаспыппыт,
Булуҥҥа, Бүлүүгэ, Тааттаҕа, Аммаҕа
Атаака оҥорон, кутааны аспыппыт.
Баай-тойот үөр баанда сэриитин кыайаммыт,
Буоруттан-сыыһыттан имнэри быспыппыт.
Чээччэйбит тиэргэнин иһигэр хаайаммыт,
Күл гьшан көтүтэн, күдэҥҥэ ыспыппыт.