Page 19 - Сергей Васильев. Өлбөт өрөгөй

Алар таман саҕата
Алтай отунан аҕырыаланна.
Көнньүөс сыһыы уорҕата
Күөх сибэккинэн көбүөрдэннэ.

Кирбии тумул кытыыта
Киис тиҥилэҕинэн киистэлэннэ.
Солооһун-бааһына тулата
Дьэдьэн угунан дьэрэкээннэннэ.

Бу торҕо күөх эйгэтигэр
Поэт үтүө ырата биһиктэннэ.
Алар арҕаа тэҥкэтигэр
Алгыстаах санаа иитилиннэ.
Хатыҥ-чараҥ быыһыгар
Халыан таптал бүөбэйдэннэ.
Хойуу ыркый тыатыгар
Хорсун санаа чочулунна.
«Аан Чаҥый» сайылыгым
Аҥааттар сыһыыта нэлэһийдэ.
Кылбаарар үрдүк кырдалым
Кырпай күөҕүнэн чэлгиһийдэ.
Сарсын земпередел мунньаҕа
Силлиэрэн кэлэрин кэтэһэбит.
Өлөр өстөөх айма5а
Өрө туруо,— сэрэнзбит.
Хонууга тэлгэммит сибэккилэр,
Тугу эһиги сэрибиэйдиигит?
Туйаара көтөр күөрэгэйдэр,
Тугу алҕаан 35эрдэлиигит?
Сарсын, баҕар, Өкүүчэ кэлиэҕэ,
Үөрэ-көтө мичээриэҕэ.
Киэһэ маннык сөрүүн түһүөҕэ,
Кини мунньаҕы тэрийиэҕэ.
13