Page 21 - Сергей Васильев. Өлбөт өрөгөй

Сып-сылаас салгынын,
Утаппыт курдук, уймахтаатым.
Манна олорор эдэркээн,
Күлбүт-үөрбүт кэрэ кыысчаан,
Бу сып-сылаас кэрэкээн
Салгынынан тыынар ол кыысчаан.
Мин дьоллоохпун даҕаны
Бу үрүҥ күн сиригэр.
Ити кэрэ кыыстыын биир салгыны
Дуоһуйа тыынным сүрэхпэр.
Ол иһин бу дьиэни барытын
Мин олус да таптаатым.
Сып-сылаас салгынын
Астына-дуоһуйа уймахтаатым.
1932 с.

МИИГИН БИГЭЭҤ, ДОЛГУТТАР

Килэдийэр муора мэндээрэ
Кэрдиистэнэн кэллэ.
Аҥаарыйар далай арҕаһа
Адаарыйа түстэ.
Туохтан үргэн,
Тоҕо түллэн
Үрүҥ-хара долгуттар
Үмүөрүһэ сүүрдүлэр,
Ала-ма5ан «сылгылар»
Аамайдана сырыстылар.
Килиэ тимир борокуоппун
Киллиргэччи кэйиэлииллэр.
Уолуһуйбут санааларбын
Оҕо курдук бигээтилэр.
15