Page 91 - Сергей Васильев. Өлбөт өрөгөй

Туһаҕа киирээт
Томуйах хамыһан тутуспутум,
Үлэҕэ үөрэнэн,
Үрүҥ күҥҥэ сыралыйбытым,
От оттоһон,
Отуу аттыгар даллаҥнаспытым.
Уон сааспар тиийиибэр
Оскуолаҕа биэрбиккит,
Өйүө-ыһык диэн
Өрүөстээххэ тиэйбиккит...

Үрэх ыаллара мустан,
«Үүнүү» колхозка киирбиккит,
Саҥа дьиэлэри тутан,
Сайылык толоонун киэргэппиккит.
Күлүмүрдэс тимир көрүстээх
Күүстээх трактор көлөлөммүккүт,
Уохтаах дохсун кыайыылаах
Уустук массыына тирэхтэммиккит.

Алааһы, сайылыгы курдат
Авто суолун тэлэйбиккит,
Электростанция тутан
Ильич лаампатынан сыдьаайбыккыт.

Эһиги илиигитинэн киэркэйбитэ
Ийэ сирбит уорҕата,
Эһиги бүөбэйгитинэн үүммүтэ
Эдэр ыччат кэккэтэ. '
Үрэх толоонугар түспүтэ
Үҥкүү, оонньуу ырыата,
Дьиэ ахсын киирбнтд
Дьикти үөрүү мичээрэ.
77