Page 86 - Сергей Васильев. Өлбөт өрөгөй
P. 86
Эһиэ-эһиэ эһиэкэй,
Эһиэкэйдиир эһиэкэй!
1945 с.
МИН СОЛ КУОБАЙЫМ
Хоонньум иһигэр
Кумаланан кучугуруур
Кумааҕы харчылаах
Хонтуора дьиэҕэ бардым.
Артем аатынан курорта
Ананан үлэлиир
Медик идэлээхтэр мустан
Митиннииллэрин иһиттим.
Хаар маҥан баттахтаах,
Халааттаах дьахталлар,
Хараастан туран,
Хатаннык араатардаатылар.
Субу саҥа заем
Сурутуута буолбут,
Станция үлэһиттэрин
Ыҥырыыта кэлбит.
Бу харчыбын мин
Булбутум сырабынан,—
Көлбөхтөөх көлөһүммүн
Көхсүбүнэн саккыратан.
Хааччыйа өйдүү саныыбын
Хайдах ону сурутарбын,
Биир күндү солкуобайбын
Биэрэн тугу ытаһалыырбын.
Таһырдьа тахсаммын,
Таас чаампы үрдүттэн
72
