Page 95 - Сергей Васильев. Өлбөт өрөгөй
P. 95
Баҕана үүтүн хаһан маҕыйарым,
Үрүҥ сөлөгөйгө
Үрүт туруоран үссэнээрибин
Иин хаһан имиллэрим.
Сындааһыннарым сылайдахтарына,
Сылаас сыыр быарыгар
Сыта түһэн сынньанарым.
Уҥуохтарым хардаһыннахтарына,
Оллоонум таһыгар
Омурбаннанан уоскуйарым.
Үгүс буору өрөһөлөөбүт
Үтүө күммэр
Өрө чынайан кэлэрим.
Солуулааҕы хороппотох
Соппоҥ кэммэр
Сукуччу түһэн барарым.
Ол курдук,
Хаарыан үүдэһиним хардастан,
Хатан уҥуоҕум хамсаатаҕына,
Хара буору
Хаҥыл хойгуобунан
Хаһан даҕаны
Хаһыа суох курдук туттарым.
Онтон эмиэ
Этим-хааным сынньанан
Ирэн-хорон кэллэхпинэ,—
Кылаанныы кыкырыйан,
Уһуктуу буруустаан,
Ааттаах хойгуобуттан
Аламай күн анныгар
Арахсыа суох курдук буоларым.
Ол курдук,
Сойуо тумустаах
Соҕотох хойгуобунан
81
