Page 18 - Иван Мигалкин Аныыбын иһирэх иэйиибин
P. 18
И Й ЭБЭР
Кыыс айылҕам чээл күөҕүн,
Дьэдьэннээх халдьаайым дыргыл сытын
Өлүөнэ өрүһүм субуллар суһуоҕун,
Маҥнайгы хаарым тунал сырдыгын -
Барытын түмэммин
Биир дьөрбө сибэкки оҥоруом...
Дьон бары истиҥ сыһыанын,
Таптал үрдүк чыпчаалын,
Сүрэх кэрэҕэ дьулуурун,
Үөрүүтэн долгуйуу истиҥ таалыытын -
Барытын түмэммин
Биир дьөрбө сибэкки оҥоруом...
Төрөөбүт Мүрүм хатыҥ чараҥын,
Хотун Аммам сардаана сибэккитин,
Сайаҕас Бүлүүм өлгөм отонун,
Сахам сирин ырыа чыычаахтарын -
Барытын түмэммин,
Ырыанан сандаарар
Биир дьөрбө сибэкки оҥоруом,
Кинини уунуом
Күн киһибэр - ИЙЭБЭР!
1975 сыл, Москва.
16
