Page 23 - Иван Мигалкин Аныыбын иһирэх иэйиибин

XААРТЫ СКАТТАН ЭРЭ
М И Ч ЭЭРЭҔИ Н М И ЭХЭ...

Хаартыскаттан эрэ мичээрэҕин миэхэ,
Хаартыскаттан эрэ эйэҕэскин миэхэ,
Хаартыскаттан эрэ нарыҥҥын миэхэ,
Хаартыскаттан эрэ уостарыҥ
Истиҥ тылларынан үөрдүөх курдуктар...
Тунал маҕан былааччыйаҕын кэтэҥҥин,
Хатыҥ күөх лабааларын кууһаҥҥын
Тураргын көрүөххэ, кэрэтиэн!
Эн сылаас тарбахтарыҥ
Миигин долгутар да этилэр,
Маҥнайгы ньургуһуну бэлэхтээннэр.
Ньургуһун курдук күүстээх буолуо
дии саныырым - тапталым,
Ньургуһун курдук туохтан да толлуо
суоҕа дии саныырым - тапталым...
Доҕоруом, өйдүүбүн барытын -
Мутукчалыы сыттаахтара баттахтарыҥ,
Дьэдьэннии тэтэркэйдэрэ имнэриҥ...
Туох буруйбар соҕотохтуу
хаалларан бардыҥ?
Эн тускунан элбэхтэ
ыллаабыппыттан салтыҥ?
Хаартыскаттан эрэ мичээрэҕин миэхэ,
Хаартыскаттан эрэ эйэҕэскин миэхэ,
Хаартыскаттан эрэ нарыҥҥын миэхэ,
Хаартыскаттан эрэ уостарыҥ
Истиҥ тылларынан үөрдүөх курдуктар...

1976 сыл, Москва.

22