Page 82 - Иван Мигалкин Аныыбын иһирэх иэйиибин

ЭН С Э М Э Й ААТЫ Ҥ ААТТАНЫ А

Айылҕабыт барахсан
буоларын курдук
уларытан иһиэҕэ
дьыл түөрт кэмин -
араас өҥүнэн симээн.
Алтан сэбирдэҕинэн кыыдамнанар
көмүс күһүммүт -
ахтылҕан курус иэйиилээх
ууламмыт хараҕынан
сайыһа хаалыаҕа...
Будулуйар туманынан
бүрүллэр кыһыммыт -
сандаарыччы үөрэр
сааскы чаҕылынан
солбуллуоҕа.
Күүтүүлээх сайыҥҥы хонуктарбыт
күөх суугун ырыаларын
саймаарыччы тардан,
түргэн бэйэлээхтик
элэҥнээн ааһыахтара...
Туох барыта умнуллуо.
Биһиги олохпутун билбэт
Саҥа көлүөнэ
үрдүктүк туттан
кэлиэҕэ...
Кэлиэҕэ -
ааспыты ахсарбаттыы,
Ааспыкка -
болҕомтотун да уурбакка...
Арай, Эйиэхэҕэ,
олоҕум доҕоругар анаабыт
истиҥ хоһооннорум
ааҕыллалларын тухары -
эн сэмэй аатыҥ ааттаныа,
үйэлээх ырыа буолан -
кими эрэ долгутуо,
ким эрэ санньыар санаатын
олоххо эрэлинэн толоруо...

80