Page 77 - Иван Мигалкин Аныыбын иһирэх иэйиибин

*2к9 9 £^£ХЗК

КЫ РДЬАҔАС И Й Э Д О Л ГуЙ А Н
(ырыа )

Кырдьаҕас ийэ долгуйан
Кэтэһэр күнүн аайытын,
Сэриигэ барбыт уолчаанын -
Сүрэҕин сылаас чопчутун.

- Күнү көрдөрбүт
Күндү уолчааным,
Ханна тиийэҥҥин,
Хайдах сылдьаҕын?

Олоҕу билбэт бэйэккэҥ
Нууччалыы сатаан кэпсэтэн,
Командир тылын өйдөөҥҥүн
Быһаарсар буоллуҥ, уолчааныам.

Саха аатынан
Өрүү киэн тутун,
Хоргус буолума,
Кэхтэн биэримэ!

Кырдьаҕас ийэ күннэтэ
Сахалыы алгыс тылларын
Уолугар анаан ыраахтан
Сарсыарда аайы ыытара.

Онто тиийдэҕэ,
Уола этэҥҥэ
Кыайыы аргыстаах
Кэлэн истэҕэ.

Көрсүһэр түгэн күндүтүөн,
Соһуччу үөрүү кэрэтиэн,
Кырдьаҕас ийэ уолунаан
Турдулар өр да куустуһан...

Икки өттүттэн
Харах уутунан
Ахтан ыллылар -
Ааспыт кэмнэрин.

75