Page 163 - Иван Мигалкин Күн таммаҕын ыһыспыт дьылҕалар

рэн баран, сталинскай репрессияҕа түбэһэн, Халыманан
хаайыыга сылдьыбыт киһи этэ. Ол сылдьан Саха сирин
чинчийэн үөрэппит. Арахсар кэммитигэр кини өссө да
ыалдьыттыы кэлэрбэр этэн баран, Союзка биллибит “По-
луостров загадок” кинигэтин “Ивану с добрыми поже-
ланиями, творческих успехов от автора. В.Болдырев. 18
ноября 1974 г.” суруйан бэлэхтээбитэ. Бу кэмҥэ арай, уура
сылдьар тиһэх экземплярын бэлэхтээбитин иһин кэргэнэ
аймана түспүтүгэр, наҕыл, тардыас куолаһынан Виктор
Николаевич алгыы хаалбыта: “Иван, бэчээттэммит кинигэ
көстөр үгэстээх, онтон эн биһиги дэннэ көрсүһэбит, дьэ,
бары үтүөнү баҕара!” Кырдьык, сотору буолан баран,
В.Н.Болдырев өлбүтүн хаһыаттан аахпытым.
Бу курдук Семен Алексеевич миигин биллиилээх үгүс
суруйааччылары, художниктары, журналистары кытары
билиһиннэрбитэ.
С.А.Новгородов тус олоҕор да сэмэйэ, ыалдьытымсаҕа.
Элбэх дьиэ кэргэттэрдээҕин үрдүнэн, толору ыалдьыттаах,
хоноһолоох буолара. Хоноһо хоммотох киэһэтэ суоҕа. Хо-
туттан доҕотторо ыытар эмис тоҥ балыктарынан дэлэччи
күндүлүүрэ. Дьэ, оччоҕо, үөрүүлээх дьоро киэһэ соҕотох-
то оргуйа түһэрэ.
Ааспыт сайын юбилейнай ыһыахха Семен Алексеевич
кэргэнинээн Ефросинья Васильевналыын икки саастаах
кыракый Алешатынаан Бороҕонҥо тахса сылдьыбыттара.
Сынньалан уонна культура пааркатынан күүлэйдээбиттэ-
рэ, ипподромна ат сүүрдүүтүн көрбүттэрэ, аймахтарынан
сылдьыбыттара. Кини мөлтөөбүт, кубаҕай көрүҥнээҕэ. Бу
тиһэх көрсүһүүбүт буоларын мин сэрэйбэтим... Уруккубут
курдук үөрэ-көтө сэһэргэспиппит. Кини айанньыттар тус-
тарынан ааҕарын сөбүлүүрэ. Онно сыһыаннаах биир ки-
нигэни уларсан, аҕыйах хоноот, Якутскайга төннүбүтэ.
С.А.Новгородов “Хотугу суоллар” диэн былырыын бэчээт-
тэппит бэртээхэй кинигэтинии, олорон ааспыт олоҕо бар-
дьону кэрэҕэ, сырдыкка угуйаллар.
1980 сыл

Тыл сүмэтин таба тайанан

Бу күннэргэ Т.Е.Черемкин—Толомон “Индигир уһунна
муораҕа” кинигэтин аахтым. Кинигэ туһунан бэйэм тус
санаабын үллэстэбин.
Дыргыл сытынан санааны көнньүөрдэр, сүрэҕи өрүкүтэр
араас өҥнөөх сибэкки улахан дьөрбөтүнүү, Толомон кини-
гэтигэр 26 хоһоон киллэриллибит.

159