Page 161 - Иван Мигалкин Күн таммаҕын ыһыспыт дьылҕалар

да, сорохторгут кырдьаахтаабыт... Биһигиттэн, орой мэник
уолаттартан, буруйдаахтартан биирдэстэрэ — мин... Олун-
ньу ый ортотугар эмискэ хатыҥ чараҥ суугунун иһиттим
— ити мин учууталларым өрүү эдэр сүрэхтэрин тэбиитин
эрчимин.
1980

Оҕолор эрэнэр харахтара

Кылааска киирдим. Оҕолор саҥаны билэргэ эрэйэр,
эрэнэр харахтара... Кыбыста санаатым, бу баара-суоҕа 45
мүнүүтэҕз эрэ Мүрүм алааһыттан ыраатан, аан дойдуга
туох буоларын, литература ситиһиилэрин сэргэхситэ кэп-
сиэм, өйдөтүөм дуо диэммин.
1980
Хотугу суоллар кэрэҕэ угуйаллар

Кэлин сылларга мин сүрэхпин бииртэн-биир ыар ку-
турҕаннар хараҥа былыттарынан сабыта бүрүйдүлэр...
1978 сылга Н-скай байыаннай чааска сулууспалыы сыл-
дьан, сэтинньи ыйга поэт Семен Данилов соһумардык суох
буолбутуттан дууһалыын аймаммытым, ааспат-арахпат
курус санааҕа баттаппытым. Онтон, былырыын — биирдэ
бэриллэр олох дьолун этинэн-хаанынан адьаһын билбэккэ
сылдьан талааннаах поэт Варя Потапова күн сирин сыр-
дыгыттан суох буолбута хомолтотуон!
Быйылгы 1980 сыл, тымныы туманынан будулуйа оон-
ньуур ахсынньы ый 15 күнүгэр, өлөр өлүү биһиги кэккэ-
бититтэн сырдык дууһалаах аҕа табаарыспын, олох тутаах
боппуруостарыгар суруйан норуокка киэҥник биллэр жур-
налиһы, аймахпын Семен Алексеевич Новгородовы 53 саа-
һыгар сырыттаҕына былдьаата.
Дойду тэбэр сүрэҕэр Москваҕа сылдьан, Семен Алек-
сеевич истиҥ тапталынан ахтар төрөөбүт Уус-Алданын
айылҕата бүгүн, кинини тиһэх суолугар атааран, чуум-
пурбут мастарга иилиммит үрүҥ кырыатын ааһар дьоҥҥо
санаарҕабыллаахтык тоҕор... Ь1тыыр, ис иһиттэн эймэни-
йэр...
С.А.Новгородовтыын Якутскайга квартиратыгар, Сэр-
гэлээх даачатыгар, Москва “Россия” гостиницатыгар
үгүстүк көрсүһэрбит, кини сааһынан төһө да 30-ча сыл
аҕа буоллар, үөрэҕинэн, культуратынан таһыччы баһый-
дар да, миигин тэҥнээҕин курдук тутан, уһун киэһэни
быһа истиҥник сэһэргэһэрбит, саха литературатын ыры-
тарбыт, саҥа хоһооннорбун ааҕан иһитиннэрэрим... Онтон

157