Page 164 - Иван Мигалкин Күн таммаҕын ыһыспыт дьылҕалар

Бу хоһооннор айылҕаны ойуулууллар, хотугу хоһуун
киһи айылҕалыын истиҥник доҕордоһуутун көрдөрөллөр:
Халлааны сырдата
Тайҕатыгар тахсар
Үтүө булчут курдук,
Тиэтэй күнү көрсө.
(“Кцнц кытта сырыс”)
Ааспыт ханнык да үйэлэргэ таптал туһунан суруйбут-
тара уонна кэлэр да үйэлэргэ норуот саҥарар саҥата баа-
рын тухары таптаһар сүрэхтэр кэпсэтиэхтэрэ, өйдөһөр
биир тылларын булуохтара. Ол эрэн таптал туһунан су-
руллар хоһооннор үрдүк, дириҥ психологическай чувство-
нан бэрилиннэхтэринэ эрэ, ааҕааччыга ордук тиийимтиэ-
лэр. Үрдүттэн ойуулааһын хоһоон суолтатын сүтэрэр.
Улахан буукубалартан суруллар Дьахтар ытык ааты-
гар таптаан сүгүрүйүү — бу эр киһи күүһүн, кыаҕын
уонна киһи аймах кэрэ аҥарыгар итэҕэлин бэлиэтэ, олох
нарынын араҥаччылааһына итиэннэ күөххэ, сырдыкка,
күҥҥэ тардыһыыта:
Сэгэриэм, сарсыарда тураҥҥын
Үөрэнэ, ыраата бараҕын,
Сүрэхпит уйалаах чыычааҕын
Аан бастаан дайытан көтөҕүн.
Ханнык да буурҕаҕа, силлиэҕэ,
Хахсааттаах кыһыҥҥы киэһэҕэ
Өрүүтүн уйатын ахтыаҕа
Тапталбыт татыйык чыычааҕа.
(“Кцһцццц киэһэ”)
Хаһан баҕарар таптаһар сүрэхтэр олох уустук өрүттэ-
риттэн, айылҕа тыйыс дьайыыларыттан кэрэтин эрэ сүүмэр-
дээн көрүүлэрэ, буолаары буолан дьиҥнээх ыраас таптал-
га баар суол.
Толомон таптала — Кыыс Айылҕа, оттон Хотун Айыл-
ҕа айыы-сээн оҕото — Толомон.
Искусство туһунан биирдэ Толомоннуун кэпсэппиппи-
тигэр этэн турар: “Хайа да классическай музыкатааҕар
тыа көтөрүн саҥатын, чыычааҕын ырыатын; хайа да клас-
сическай скульптуратааҕар тыам отун-маһын ордук сэҥээ-
рэбин”, — диэн.
Ол киэһэ өйдөөбүтүм, кини айылҕаны олус кэрэтик,
ураты мындырдык көрөрүн. Кинини нөҥүө айылҕаҕа тап-
тала үгүс сыранан, илистиинэн суруллан ааҕааччы сүрэ-
ҕэр маннык тиийэр:

160