Page 177 - Иван Мигалкин Күн таммаҕын ыһыспыт дьылҕалар

нан күннээҕи олох туруорар модьуйууларыгар эппиэт-
тиир, быһаччы олохтон үүнэн тахсар өрүү актуальнай
тематикалаах. Ити олох биэрэр матырыйаалыгар олоҕу-
ран поэт сарсыҥҥы күнү өтө көрөр, инники кэскилгэ
ыҥырар. Итини биһиги поэт хоһоонугар барытыгар кө-
рүөхпүтүн сөп”.
“Үрүҥ былыттар”, “Үрүйэ тааһа”, “Үөрүү”, “Сири ис-
тэбин” уо.д.а. кинигэлэринэн ааҕааччылар киэҥ биһирэ-
биллэрин ылбыт поэт Василий Сивцев саха литератураты-
гар 60-с сылларга киирбитэ. Кини Сергей Васильев туһу-
нан маннык суруйбута: “Сергей Васильев поэзията норуот
тылынан уус-уран айымньытыттан силис тардан, хагда-
рыйбат харыйа курдук үүнэн, сайдан тахсыбыта.
Үлэлиир, айар кэмҥэ дьон-сэргэ махталын ылыы, но-
руот киэҥ биһирэбилигэр тиксии — бу үлэ-хамнас ханнык
баҕарар эйгэтигэр сылдьар киһиэхэ үрдүк үөрүү... Сергей
Васильев эмиэ итинник үрдүк үөрүүгэ тиксибит поэт.
Дьиҥнээх поэзия биир сүрүн күүстээх өттүнэн аҕыйах
строкаҕа элбэх санааны, киэҥ өйдөбүлү биэрэргэ кыһа-
ныы буолар. Бу хоһоон идеятыгар, тутулугар, форматы-
гар эрэ буолбакка, кини ис хоһоонун культуратыгар, эс-
тетикатыгар улахан болҕомтолоох буолары эрэйэр. Ити
барыта билиҥҥи олох түргэн сайдыыта, баай ис эгэлгэтэ
дьиҥнээх айар талааннары чуор кулгаахтаах, кыраҕы
харахтаах оҥороруттан тахсар. Оттон уһун эпическэй фор-
маҕа бэйэтин дьоҕурун киэҥник билиннэрбит киһинэн Сергей
Васильев буолар.”
* * *
Саха АССР Министрдэрин Советын 1969 сыл от ыйын 2
күнүнээҕи уурааҕынан, литератураҕа уонна искусствоҕа
П.А.Ойуунускай аатынан Саха АССР Государственнай би-
риэмийэтэ “Улуу Ильмень” диэн балладатын иһин поэт,
общественнай деятель, публицист Сергей Васильевка анам-
мыта. Бу уурааҕы мин, Н.Г.Чернышевскай аатынан
Бүлүүтээҕи педагогическай училищеҕа туттарса сылдьар
уон биэстээх уолчаан, олус да үөрэн, киэн туттан аахпып-
пын өйдүүбүн...
Кэлин, 1974 сыл олунньу 23 күнүгэр, кырдьаҕас Нов-
город сиригэр Старай Руссаҕа тиийэммин, Саха сирин
өлбүт буойуннарыгар ытык кэриэстэбилинэн туруоруллу-
бут бастакы мрамор пааматынньыкка сүһүөхтээх бэйэм
сүгүрүйэн, нөрүөн нөргүйбүтүм...
Бу кэмҥэ мин, дууһа, сүрэх ытабылынан Сергей Васи-
льев хаһан да өлбөөдүйбэт строкаларын хатылыыр кур-
дугум:

173