Page 178 - Иван Мигалкин Күн таммаҕын ыһыспыт дьылҕалар

Мин туруум —
Аһыылаах дьоннорум ааттарын чиэһигэр
Албаннаах кыайыыларын күлүмүн иэһигэр —
Кырдьаҕас тулаайах ийэттэн, аҕаттан,
Кылыстыы кылбанныыр эдэркээн ыччаттан,
Кый ыраах Ленаттан, долгуйар Амматтан,
Кырыалаах Дьааҥыттан, көмүстээх Алдантан,
Төҥүлү күөлүттэн, киэҥ Ньурба ыалыттан,
Төрөөбүт сирбиттэн — солко күөх Суоттуттан
Төбөбүн хаҥкыта!
Сибэкки быраҕа!
Мин туруум —
Аһыылаах хараҕым уутун манна таммалата!
Дьоннорум уҥуоҕар ону манна ханыылата!
Эймэлгэннээх ол хараҕым уутун таммаҕа
Эн, улуу Ильмень, омуннаах долгуҥҥар
Уһун үйэлэр мындаалаах усталарыгар
Оонньуу-кылбачыһа сылдьыстын!
Улуу буойуттар чиэстэрин туойустун!
Эн торҕо солко отторгор,
Эн чаҕылыйар үскэм отонноргор,
Эн синньэ-дьэрэкээн киистэлэргэр,
Эн сиэдэрэй кэрэ сибэккилэргэр
Сиик буолан чопчулаһа турустун!
Оҕуруолуу оонньуу чаҕылыстын!..
Старай Руссаҕа сырыттахпына, биир саас ортолоох
нуучча дьахтара миэхэҕэ манныгы кэпсээбитэ:
— 1943 сыл олунньуга дьиэлээхтэр бары туран, саҥар-
дыы чэйдээри сырыттахпытына, 18-19 саастаах олус эдэр-
кээн дьүһүннээх саха уолчаана киирэн кэлбитэ. Кини
нууччалыы биир да тылы билбэтэ. Икки илиитин тосту
ыттаран, илиилэрэ салыбыраһа сылдьаллара. Ыарыыта да
сүрдээх быһыылааҕа. Тугу эрэ бэйэтин тылынан саҥараах-
тыыра... Мин уончалаах кыысчаан этим. Ол да буоллар
сэрии алдьархайын улахан дьонтон туох да итэҕэһэ суох
эппинэн-хааммынан өйдүүрүм. Саха уолун наһаа аһыммы-
тым. Ийэм киниэхэ тымныы уу иһэрдэн баран, саҥардыы
өрбөх таҥас сыыһынан бэрэбээскилээри гынан эрдэҕинэ
фашистар көтөн түспүттэрэ, саха саллаатын тиэргэҥҥэ
соһон таһаараннар, икки атаҕын тосту ыппыттара... Ити
кэмҥэ халлаан наһаа тымныыта суоҕа, -5 кыраадыс эҥин
быһыылааҕа. Фашистары бардылар дии санаан, ийэм саха
уолун дьиэҕэ соһон киллэрээри тахсыбытыгар, сиэхсит-
тэр кэтээн сылдьыбыттар эбит, автомат кылгас уочара-

174 *=>