Page 187 - Иван Мигалкин Күн таммаҕын ыһыспыт дьылҕалар

СИБЭККИЛИИ ЧЭЛГИИБИТ поэзия
Сибэккилии чэлгийбит поэзиялаах Сергей Васильев
төрөөбүтэ 80 сылын бэлиэтиир бырааһынньык салҕанан,
сарсыҥҥы күнүгэр, балаҕан ыйын 25 чыыһылатыгар, күнүс
12 чаастан Суотту 8 кылаастаах оскуолатыгар ыытыллы-
быта.
Толору киһилээх саалаҕа ыалдьыттары сахалыы таҥас-
таах оҕолор сиэтэн киллэрбиттэрэ.
“Лена” совхоз парткомун секретара И.С.Оконешников
поэт олоҕун уонна айар үлэтин туһунан кылгастык кэпсээн
баран, дакылааты оҥорорго тылы партия райкомун сек-
ретарыгар З.Д.Винокуроваҕа биэрбитэ. Киэҥ ис хоһоон-
ноох дакылаат кэнниттэн пионердар оҕолуу чугдаар куо-
лаһынан истиҥ-иһирэх эҕэрдэлэрэ саҕаламмыта.
— Эһиги оскуолаҕыт таһаарбыт истиэнэ хаһыатын,
улахан да дьон, оҕо-уруу да тоҕуоруһан кэлбитин итиэннэ
пионердар активнай кыттыыларын көрөн бараммын, поэт
Сергей Васильев үчүгэй аймахтардаах, билсэр-көрсөр
дьоннордоох, элбэх табаарыстардаах эбит диэн санааҕа
кэллим. Сергей Степанович Васильевы 1934 сылтан ыла
билэбин. Сергей Степанович саха норуотугар төрөөн-үөскээн
сылдьыбыт үтүөкэн дьоннортон биирдэстэрэ буолар, —
диэн РСФСР уонна Саха АССР наукаларын үтүөлээх дея-
телэ, историческай наука доктора, СГУ профессора Г.П.Ба-
шарин бэйэтин ахтыытын оҥорбута. Оттон поэт үөлээн-
нээҕэ Г.В.Васильев этиитин маннык саҕалаабыта:
— Биһиги Сэргэйбит бэйэтин үөлээннээхтэрин ортоту-
гар уһулуччу киһи этэ. Баарыгар хайгыылларын сөбүлээ-
бэтэ, бэйэтин туһунан хаһан да кэпсэммэтэ. Кини бириэ-
мэтигэр улаханнык үөрэр идэлээҕэ. Өлүөн иннинэ миэхэ
этэн турардаах: “Сүрэҕим билигин да эдэр, өссө үлэлиэм”,
— диэн.
Аҕа дойду Улуу сэриитэ кыырыктаах кыргыһыылары-
нан силбиэтэнэн бара турдаҕына, кини тымныы тыыны-
нан аҥылыйа тыынар кэмигэр, Таптал сырдык иэйиити-
гэр өрүү бэриниилээх Леонид Попов эдэркээн 25 саастаа-
ҕар 1944 сыллаахха суруйбута үйэлэргэ хаалар класси-
ческай хоһоонун:
Долгуннуур күөхтэрдээх сай ааһан,
Доҕоруом, эн хаһан кэлэҕин? —
Ыраатар бэйэҕин сайыһан,
Ытаата мин уйан сүрэҕим.
Илиибэр эн илииҥ баар курдук,
Сүрэхпэр — сүрэҕиҥ сылааһа.
183