Page 183 - Иван Мигалкин Күн таммаҕын ыһыспыт дьылҕалар

* * *

Поэт Сергей Васильев аатын иһиттэхпинэ, ханан да
арыы былыта суох кыырай мэҥэ халлаан устун чэпчэки-
тик да уйдаран тайаарар сэттэ туруйаны саныыбын, күөх
дыргыл сытынан илгийэр сардааналаах сыһыыга, нуһа-
раҥ алааска оонньоон күлэ-үөрэ сылдьар кырачаан оҕолор:
“Сэриигэ баҕарбаппыт, баар буоллун өрүү эйэлээх халлаам-
мыт!” — диэн чаҕаарар хатан куоластарын истэбин...
Оҕо иннэ диэн,
Ийэ эмиийин ыанньытар,
Оҕо туһа диэн,
Аҕа тилэҕин элэтэр.

Оҕо дьолугар
Хайалары хайа силэйэн,
Ханааллары сүүрдэбит,
Кумах куйаардарга кырыс түһэрэн,
Торҕо күөҕү долгутабыт,
Унаар толоотторго, үрдүк кирбиилэргэ
Улуу куораттары сандаардабыт,
Уһун хотооллорго, киэҥ нэлээннэргэ
Улахан муоралары килэдитэбит.
Оҕо иннигэр
Бүтүн сир бөкүнүк уорҕатын
Биһиги чэрдээх илиибитинэн симиибит.
Киһилээх, кээмэйдэммэт кэскиллээх
Кэрэттэн кэрэ планета буолан,
Киэҥ халлаан киэлитигэр
Кини эрэ чэмэлийдин диибит.
“Барыта оҕолор иһин” классическай хоһоонун Сергей
Васильев 1952 сыллаахха суруйбута. Ити кэмҥэ төрөөбүт
оҕолор билигин саас ортолоох дьон. Сорохтор номнуо эһээ,
эбээ аатырдылар. Кинилэр билигин оҕолоругар итиэннэ
сиэннэригэр бу хоһоону үөрэтэллэр. Ол курдук хоһоон тыла-
өһө, этэр дириҥ санаата ханнык да кэмҥэ өрүү сонун,
сибиэһэй сиккиэр тыаллыы сэргэх.
* * *

1987 сыл балаҕан ыйыгар поэт Сергей Васильев
төрөөбүтэ 80 сыла туолуутун Уус-Алдаҥҥа киэҥник бэлиэ-
тээбиттэрэ. Балаҕан ыйын 24 күнүгэр олохтоох хаһыат
редакциятын сорудаҕынан шофер Николай Васильевтыын
“Газик” массыынанан Якутскайтан “Ракетанан” кэлэр про-
е ® ’. 179
12'