Page 184 - Иван Мигалкин Күн таммаҕын ыһыспыт дьылҕалар

фессор Г.П.Башарины, поэт Леонид Попову уонна суру-
йааччы Николай Габышевы көрсө сарсыарда эрдэ Суотту
биэрэгэр киирбиппит. Дьоммут болдьохтоох кэмигэр кэл-
биттэрэ. (Бу ааттаабыт дьонум, шоферы кытта ааҕан ту-
ран, аҕыйах сыллааҕыта бары өлбүттэрэ. Маны санаатах-
пына, киһи олоҕо олус да кылгаһын өйдүүбүн.) Айаннаан
иһэн, үөрүү-көтүү, кэпсээн-ипсээн элбэх этэ. Кэпсэтиибит
ис хоһооно булт, история уонна литература туһунан буол-
бута. Георгий Прокопьевич 1957 сыллаахха куобах күрэ-
ҕэр сылдьан, бааһырбыт куобах оҕолуу ытаабытын
көрүөҕүттэн ыла, ону улаханнык аһынан, кэлин куобах
булдугар олох сылдьыбатаҕын эппитэ. Оттон мин, биир
бэйэм саастыыта саха тылын уонна литературатын учуу-
тала олоҥхо уонна тойук диэннэри кыайан араарбатын,
литератураҕа олох мөлтөх бэлэмнээҕин кэпсээн бараммын,
киниэхэ маарынныыр хас да учууталы билэрбин итиэннэ
Якутскай университетыгар саха тылын учууталлара би-
лиҥҥи кэмҥэ кыайан эппиэттээбэт кыра таһымнаах бүтэ-
рэллэрин эппиппэр, Георгий Прокопьевич сирэйдиин-ха-
рахтыын уларыйан миэхэ кыыһыра түспүтэ:
— Эн, эдэр киһи хайдаххын билбит суох, ол аҕыйах
оннук учуутал баар да эбит буоллаҕына, бүтүн Саха уни-
верситетын итинник тутах санаанан холуннарар сыыһа.
Университет сайдыытыгар олохпун анаабыт киһибин. Эдэр
киһи быһыытынан быстах түмүктэри оҥортообот буол. (Бэ-
йэм тугу саныырбын эппиппэр буруйа суоҕунан ааҕы-
наммын, Георгий Прокопьевичка бырастыы гынарыгар
көрдөспөтөҕүм, төттөрүтүн, акаары санаабар, бэйэм ула-
ханнык өһүргэммитим. Ордук Леонид Андреевичка кыһый-
бытым, кини мин кэпсиир кэммэр, “Оннук, оннук, саха
тылын учууталлара наһаа мөлтөхтөр” дии олорбута. Ол
бэйэтэ сүүс кыраадыс уларыйан, миигин сэмэлээн барбы-
та). Үөрэ-көтө сэһэргэһэ айаннаан испиппит биирдэ суох
буолан хаалбыта.
“Газик” иннигэр шоферу кытта сэргэстэһэ олорон ис-
пит Николай Алексеевич кэннинэн эргиллэн, Георгий Про-
копьевичка туһаайан: — Георгий Прокопьевич, Эн этэриҥ
сөп, Уйбаан уолга өһүргэнимэ, Москва саҕаттан билэр
оҕом, тугу санаабытын уһаты-туора толкуйдаан көрбөккө
эрэ саҥаран былдьанааччы, оччолортон. Уол эйигиттэн,
кырдьаҕас киһиттэн, бырастыы гынаргар көрдөһүө дии
саныыбын. Бу киэһэ Бороҕоҥҥо этэҥҥэ тиийдэрбит Сэр-
гэйбит биэчэригэр этэн-тыынан көрүөхпүт этэ буоллаҕа
дии, — диэн, массыынабыт иһэ эмиэ үөрэ-көтө кэпсэтии-
нэн туола түспүтэ. Бэйэм улаханнык сыыстарбыппын ис
сүрэхпиттэн өйдөөммүн, сарсыныгар Георгий Прокопье-
с**. 180 «5