Page 186 - Иван Мигалкин Күн таммаҕын ыһыспыт дьылҕалар

союһугар мэктиэлээбиттэрэ. Онон союзка киириим тоҕус
сыл устата атахтаммыт курдук саныыбын. (Кэлин народ-
най суруйааччы үрдүк аатын ылбыт Далаҥҥа билиҥҥээҥҥэ
диэри истиҥник махтанабын. Кини миигин суруйааччы диэн
кэбиһэн, суруйааччы буоларга дьулуһуум эппиэтинэһин
ордук сытыытык өйдөөбүтүм уонна төһө да бэчээттээбэт-
тэрин үрдүнэн суруйуу ыарахан үлэтигэр оройбунан
түспүтүм...)
Биэчэр бүппүтүн кэннэ, ытыктыыр суруйааччыларбын
Н.А.Габышевы, Л.А.Попову, Р.Д.Ермолаев-Баҕатаайыскайы
уонна Г.П.Башарины ийэм дьиэтигэр кэргэммин кытта би-
лиһиннэрэ илпитим. Георгий Прокопьевич киэһэ чэйдиир-
тэн (киэһэ буолуо дуо, түүн оройо этэ) “Наар режиминэн
эрэ аһыыбын, бачча түүн аһааччым суох” — диэн аһылык-
тан аккаастаммыта. 12 оҕолоох ийэм Екатерина Ивановна
уонна библиотека директорынан үлэлиир кэргэним Зоя
Васильевна ас арааһын астаан баран, утуйбакка кэтэһэн
олороллоро. Суруйааччылары дьоммун-сэргэбин кытта би-
лиһиннэрбитим, саалаҕа ааһалларыгар көрдөспүтүм. Хас
да тыһыынча ахсааннаах библиотекабын көрөннөр, Лео-
нид Андреевич Рафаэль Дмитриевичтиин: “Уолбут кини-
гэтэ элбэх эбит, дьэ, маладьыас, мунньар наада”, — дэс-
питтэрэ. Арай Николай Алексеевич миэхэ туһаайан эппи-
тэ: “Кинигэ элбэҕэ билбэт, маны барытын ааҕыаххын, ону
сатаан олоххор туһаныаххын наада. Аҥардас мунньуу туох
да суолтата суох”, — диэн.
Арыгы дойду үрдүнэн хааччахтаммыт кэмэ этэ, син
балачча 6 тыһ. кэриҥэ улахан нэһилиэнньэлээх Бороҕом-
муттан көрдөөн-көрдөөн, ону да суруйааччылар кэлэллэр
диэммин (Бороҕоҥҥо саха суруйааччыларын үрдүктүк
сыаналыыр дойдулара) ытыктанар кырдьаҕас Иннокен-
тий Семенович Прудецкайтан биир иһит испиири ылбы-
тым. Онтубун уулаан, остуолга уурбуппун көрөннөр: “Би-
һиги, кырдьаҕас дьон, аһаабыт аспытын амсайан көрүөх-
пүт, эдэрдэр, бу эн курдуктар... испэттэрэ буоллар”, —
диэн Леонид Андреевич Николай Алексеевичтыын санаа-
лара көтөҕүллэн, бэркэ диэн астынан, кэпсээн-ипсээн адьас
хойукка диэри олорбуттара. Сэһэргэһии да тахсыбыта.
Леонид Попов “Россия” поэзиятын библиотеката серия-
тыгар таһаартарбыт “Зову май” хоһооннорун кинигэтин:
“Глубокоуважаемым Зое и Ване Мигалкиным с пожела-
нием самого доброго, счастливого, солнечного в жизни.
Леонид Попов, 1987 г. Сентябрь 25-го. Борогонцы” диэн
бэлэхтээбитэ.

е * . 182