Page 44 - Иван Мигалкин Күн таммаҕын ыһыспыт дьылҕалар

чыгыйыныын) Горькай уулуссаҕа “Подарок” маҕаһыынын
аттынааҕы фотографияҕа эһигини (Н.А.Габышевы, мии-
гин, тылбаас группатын оҕолорун) көһүтэ сатаан баран,
кыһыыбытыгар, бэйэбит түһэн тарҕаспыппыт. Кыһыйыы
бөҕөтүн кыһыйан, абарыы бөҕөтүн абаран. Тоҕо кэлбэти-
гит?
Уонна, уопсайынан даҕаны, эн миэхэ билсиһэ сылдьыах
буолан баран, сүтэн хааллыҥ дии. Ити тугуй? ... Кэлэн
хаартыскаҕа түсүһэн абыраабат буолан баран тоҕо саара-
таҕыт?
(Бу суругар Семен Петрович улаханнык хомойбута орун-
наах. Манна киһи күлэр түбэлтэтэ буолан турар. Кини
Амма Аччыгыйын кытта “Москва” гостиницаҕа түспүт эти-
лэр. Мин кинилэри корсөммүн сарсын бары хаартыскаҕа
түһүөҕүҥ диэн тыл көтөҕөөччү буолбутум. Дьонум сөбүлэс-
питтэрэ. Уопсайбар тиийээт, Николай Алексеевичка үөрэ-
көтө кэпсээбитим. Киһим эмиэ сөбүлэспитэ. Онтон саха груп-
патын оҕолоругар эппиппэр бары үөрүүнэн сөбүлэспиттэ-
рэ. Сарсыҥҥытыгар үөрэх занятиетын кэнниттэн, Нико-
лай Алексеевич баһылыктаах, мин сирдьиттээх Горькай
уулусса “Подарки” маҕаһыынын аттынааҕы фотоательеҕа
4 чаас иннинэ тиийэммит дьоммутун кэтэс да кэтэс буол-
буппут. Ыксаан мин уолаттарбын кытта (Илья Сивцеви,
Петр Попову) “Москва” гостиницаҕа баран кэлбиппит. Онно
дьоммут хосторугар суох этилэр. Семен Петровичтаах
Николай Егоровиһы булбатыбыт, нүөмэрдэригэр суохтар
диэн Николай Алексеевичка этээччи буоллубут. Ип-итии
баҕайы фотоательеҕа дэлби итииргээн олорор Николай
Алексеевич улаханнык хомойдо: “Ама да студент аатыр-
дарбыт, эрэннэрэн баран кэлбэттэрэ сүрүн, улахан дьон
улахан сиргэ сырыттахтара... Чэ, бэйэбит түһүөҕүҥ!” —
диэбитэ, чаастан ордук кэтэһии кэнниттэн. Биһиги бары
Семен Петровичтаахха хомойбуппут... Аанньа ахтыбаты-
лар диэммит! Онтон дьиҥэр маннык буолбут: “Подарки”
маҕаһыын аттыгар икки фотоателье баар эбит. Кинилэр
— уҥа өттүгэр, биһиги — хаҥас өттүгэр бэйэ-бэйэбитин
күүтүспүт эбиппит. Маны адьас кэлин быһаарсыбыппыт.)
Биһиги, кырдьаҕас дьон, итинник тылларыгар турбат,
дархаһыйар дьону сөбүлээччибит суох. Уонна билиҥҥэт-
тэн дархаһыйдаххытына, бэл Н.Е.Мординов курдук оҕон-
ньору аанньа ахтыбат буоллаххытына, түспэтийдэххитинэ
ханна тиийиэх дьоҥҥутуй?
Чэ ити хааллын.
Бу ол түспүт хаартыскабыт квитанциятын ыытабын. Ону
эн 26.09. баран ылан, биһиэхэ ыытыаҥ этэ. (Семен Данилов
Амма Аччыгыйын кытта түспүт ол хаартыскаларын ылан

40