Page 41 - Иван Мигалкин Күн таммаҕын ыһыспыт дьылҕалар
P. 41
* * *
А.М.Горькай аатынан Литературнай институкка Совет-
скай Союз биллиилээх поэттара: Ленинскэй бириэмийэ
лауреата Егор Исаев, А.М.Горькай аатынан РСФСР Госу-
дарственнай бириэмийэтин лауреата Сергей Смирнов, ССРС
Государственнай бириэмийэтин лауреаттара Евгений Дол-
матовскай уонна Николай Старшинов салайар поэтичес-
кай семинардарыгар дьарыктаммытым үрдүнэн, сахалыы
суруйа сатыыр киһи буоларбынан, литератураҕа дьиҥ-
нээх учууталларбынан Николай Габышевы, Семен Дани-
ловы, Петр Тобуруокабы, Леонид Попову, Савва Тарасо-
вы, Моисей Ефимовы, Василий Сивцеви ааттыыбын.
Оттон Семен Данилов саха ыччата сайдарыгар, киэҥ
билиилэнэригэр, үрдүк культураланарыгар ис сүрэҕиттэн
баҕарара, ол туһугар өрүү күүс-көмө буолара. Кини саха
эдэр суруйааччыларыгар сүрдээҕин кыһаллара. Бу дьон-
тон ким-туох буолан тахсара биллибэтин үрдүнэн, аҕалыы
амарахтык араҥаччылыыра. Билигин, сааһыран иһэммин,
биир санаа үүйэ-хаайа тутар: Семен Данилов курдук саха
норуотугар киэҥник биллибит, ааҕааччы тапталын ылбыт
бөдөҥ поэт көмүс бириэмэтин харыстаабакка миигин кыт-
та тоҕо суруйсубута буолуой диэн!
Баҕар, кини санаабыта буолуо, бу орой-мэник санаалаах,
улахан билиитэ-көрүүтэ суох, арыгыны да утарбат сту-
дент уолтан хаһан эмэ киһи тахсыа, төрөөбүт сахатын
норуотугар туһаны аҕалыа диэн.
Мин кэмниэ-кэнэҕэс, 38 сааспар чугаһаан иһэн, биир-
дэ бу күөх халлааннаах, арылы мичээр күннээх Ийэ сиргэ
букатын кэлбэтэхпин өйдөөбүтүм... Барытын саҥалыы ха-
раҕынан, саҥалыы өйүнэн-санаанан көрөн барбытым. 1992
сыллаахха “Сүрэҕим кистэлэ”, 1994 сылга “Кустуктар
куустуннар алааспын” диэн хоһоон кинигэлэрин, “Оһуор”
хомуурунньукка “Тапталы, олоҕу туойабын” диэн хоһоон-
норум бөлөҕүн, 1995 сылга “Куобах түүтэ — ньургуһуннар”
диэн кыра саастаах оҕолорго кэпсээн кинигэтин таһаар-
тардым. Маны тэҥэ, “Оһуор ойуу оҥоойук” диэн кыра
саастаах оҕолорго хоһоон, “Үлэҕэ таптал — дьоҥҥо таптал”
диэн очерк, зарисовка, репортаж кинигэлэрин суруйан
бэлэмнээтим. Үлэлиэххэ баҕа, былаан элбэх эрээри, төһөтө
кыаллара биллибэт. Мин киһи-хара буолан эрэрбин бил-
бэккэ, күн сирин сырдыгыттан арахсыбыт Николай Габы-
шев, Семен, Софрон Даниловтар миэхэҕэ эрэллэрин то-
лорорго дьулустарбыан!
Күндү ааҕааччы, Эһиги иннигитигэр Семен Петрович
Данилов суруктара бу бааллар:
37
