Page 45 - Иван Мигалкин Күн таммаҕын ыһыспыт дьылҕалар

ыыппытым. Онтон негатива билигин да миэхэ баар. Бу хаар-
тыска Семен Данилов үс томнаах кинигэтигэр бэчээттэм-
мит этэ.)
Оҕолорго барыларыгар эҕэрдэ!
Николай Алексеевичка эмиэ эҕэрдэ! Оҕонньоттор хаар-
тыскаҕа түһэ тиийбэтэххиттэн, тугу да биллэрбэтэххиттэн
өһүргэммиттэр диэн эт. (Николай Алексеевич туох буруй-
даах буолуой? Хата, бэйэлэриттэн наһаа хомойбута...
Оҕолорбун аанньа ахтыбатылар диэн. Улахан суруйаач-
чылар эдэрдэри маннык албынныыр буоллахтарына,
оҕолор кэлин кинилэри аанньа ахтыахтара суоҕа диэн.)
Чэ итинник.
Эҕэрдэни кытта Семен Данилов.
Р.С. Муҥ саатар, мин сарсыарда биэрбит телефоно-
граммабын, эн бэйэҥ ылан аахпыт сурахтааҕыҥ. Николай
Алексеевичка уонна эйиэхэ, 4 чааска фотографияҕа тии-
йиэхпит диэн этэ. Онон мөлтөһүөр, бөрөкүтэ суох дьон
эбит диэн түмүккэ кэллибит”. (Кэлин хардарыта өйдөһөн
күлсүбүппүт.)
* * *
“16.X.1974.
Уйбаан! Эҕэрдэ!
Журналгар, хаартыскаҕар махтал! (Били айдааннаах
хаартыскабыт.) Эн сорудаххын (напутствие) толорбутум.
Ити ыраатта да, “Кыымнар” тоҕо эрэ тиэтэйбэттэр. Ол
гынан баран бу ый бүтүүтүн диэки бэчээттиэхтэрэ диэн
эрэнэ саныыбын.
Сылдьыы кэминэн.
Уруйу кытта Семен Данилов.”
* * *

“Алтынньы 26 күнэ, 1974 с.
Ваня, дорообо!
Суруккун туттум.
Доҕор, “Кыымҥа” урут Н.А.Габышевка суруйтарбыт
эбиккин дии? Мин ону билбэккэ иккиһин суруйа сылдьа-
бын. Николай Алексеевич подборкатын урут бэлэмнээн
баран, миэстэ суох буолан таһаарбакка сытыарбыттар. Ону
мин оҥорбутум киирэн тиэтэппит эрэ. Чэ буоллун. Онон
аны “Кыымҥар” иккиһин аан тыллаан таһаарбаттара чах-
чы. Онон мин бооччойбутум хаалар.
Иккис ыйытыыгар хоруйум судургу: оҥорон, санааҕын
астына чочуйан баран, Николай Алексеевичка аахтар уонна
сөбүлээтэҕинэ, 677020 г. Якутск, ул. Дзержинского, 2. Союз

41