Page 47 - Иван Мигалкин Күн таммаҕын ыһыспыт дьылҕалар
P. 47
Моисей Дмитриевич уоппускаҕа барбыта ыраатта. Мос-
кваҕа сүүрбэччэ хонон баран, Гагралаабыт буолуохтаах.
Сынньана, үлэлии. Кэлэн иһэн Москваҕа эмиэ уонча хоно-
ро буолуо.
Чэ, итинник.
Уруйу кытта С.Данилов.”
* * *
“Сэтинньи 28 күнэ, 1974 с.
Уйбаан,
Уонна этэбин: эһиги бары аҕа табаарыскытыгар, учуу-
талгытыгар Николай Алексеевичка (Габышевка) бас бэри-
ниэх, өскө бэйэ-бэйэҕит иккэрдигэр ииссээн үөскүөх кур-
дук буоллаҕына, уталыппакка киниэхэ дьүүллэтиэх, ки-
нинэн быһаартарыах тустааххыт. Мин ити туһунан күһүн
эмиэ тоһоҕолоон этэн турабын.
Чэ итинник. С.Данилов.”
* *
“Ахсынньы 15 күнэ, 1974 с.
Уйбаан уол, дорообо!
Эн суруккун (кэнники) ааҕан баран, олус чэпчээтим,
үөрдүм. “Ол иһин даҕаны!” — диэн саҥа аллайдым быһыы-
лаах. Сурах олус да омуннанан кэлэр буолар эбит!... эн
суруккун күүтэ сылдьыбытым ээ.
Чэ, үчүгэй. Этэҥҥэ буолуҥ, ииссимэҥ-баассымаҥ, саха
аатын үрдүктүк тутун, түһэн биэримэҥ!
Оҕолорго бука барыларыгар, биирдэрин да матарбакка
мин эҕэрдэбин, үтүөнү баҕарарбын, кинилэр тустарыгар
ыалдьарбын уонна кинилэри эрэнэрбин тиэрт!
Николай Алексеевичка, үөлээннээх доҕорбор, эһиги
учууталгытыгар, убайгытыгар мин эҕэрдэбин тиэрт. Эһиги
кинини ытыктааҥ, кини сүбэтин-аматын истиҥ!
Чэ итинник!
Уруйу кытта С.Данилов.”
* *
“26.XII.1974 с.
Ваня, дорообо!
Бандерольгун туппутум. Махтал, ордук уол махтала
улахан.
Саҥа дьылга урут биһигиттэн көмө ыла илик дьоҥҥо
43
