Page 49 - Иван Мигалкин Күн таммаҕын ыһыспыт дьылҕалар

оччотооҕу саамай улахан баһылыга, партия уобаластааҕы
комитетын I секретара Гаврил Иосифович Чиряевтыын
эбиэттэһэр чиэскэ тиксибитим. Рестораҥҥа киирэн кэлби-
тим, Семен Петровичтаах Г.И.Чиряев “Депутатскай” диэн
суруктаах анал муннукка олороллоро. Миигин көрөөт, Се-
мен Петрович ыҥыран ылбыта. Гаврил Иосифовичка сту-
дент уол диэн билиһиннэрбитэ. Сүүрбэччэлээх тыа уола,
оҕочоос санаабар, улахан салайааччылар нууччалыы эрэ
кэпсэтэллэрэ буолуо дии санаабытым, Гаврил Иосифович
Семен Петровичтыын уу сахалыы кэпсэтэн миигин ула-
ханнык соһуппута. Онон Г.И.Чиряевка ис-испиттэн ытык-
табыл үөскээбитэ. Онуоха эбии кини миигиттэн ханна үөрэ-
нэрбин, хайа оройуон буоларбын ыйыппыта. Ити ыйытыы-
ларыгар бэрт чобуотук хардарбытым. Холобур, билигин
Саха Республикатын Президенэ миигин кытта кэпсэттэҕи-
нэ, долгуйуом буолуо, оччолорго дуоһунас төһө суолталаа-
ҕын олох билбэппиттэн иҥнигэһэ суох кэпсэттэҕим.
Олус минньигэс, тотоойу эбиэти аһыы олороммун, Се-
мен Петровичтаах тугу кэпсэппиттэригэр болҕомтобун уур-
батаҕым, бэйэм да дууһабынан бүтэйдии сэрэйэн, кинилэ-
ри мэһэйдээбэтэрбин ханнык диэн толкуйдааҕым. Арай
туораттан биири бэлиэтии көрбүтүм: иккиэн таҥастыын-
саптыын эчи үчүгэйдэрин, наһаа да ис киирбэх дьүһүннээх-
тэрин, киһини тардар үрдүк культуралаахтарын, тылла-
ра-өстөрө ырааһын, барыта уурбут-туПпут курдук нары-
нын... Маннык саныы олордохпуна, Гаврил Иосифович ос-
туолтан туран, бастаан Семен Петровичка, онтон миэ-
хэҕэ илиитин биэрэн бакааласпыта. Кини барбытын кэннэ
Семен Петрович:
— Эйигин нүөмэрбэр кэтэһэн олордохпуна, Гаврил
Иосифович рестораҥҥа көрсүһүөх диэн ыҥыран ылла. Хай-
дах аккаастыамый, эйиэхэ сурук хааллартым. Нүөмэрбэр
кэтэһиэххин сөп этэ да, Чиряевы көрдүн диэммин ыҥыр-
бытым. Кэлин тоҕоос көстүө суоҕа. Эн да маладьыастаа-
тыҥ, кэпсэтиибитигэр орооспотуҥ, биир улахан дьыала-
ны быһаарыстыбыт. (Ол туох дьыалатын ыйыппатаҕым.)
Чэ, эн, үөрэҕиҥ хайдаҕый? —- диэн ыйыталаһан барбыта
Семен Петрович.
* * *

“Тохсунньу 9 саҥата, 1978 сыл.
Дьоллоох Дьокуускай.
Буойун Уйбаан, дорообото тут!
Эн суругуҥ миигин үөртэ. Ол иһин эйиэхэ махтал! Бас-
такытынан, эн миигин үчүгэйдик санаан суруйбуккун.

45