Page 8 - Иван Мигалкин Күн таммаҕын ыһыспыт дьылҕалар
P. 8
ӨЙДӨБҮЛ ЛОСКУЙДАРА
(эссе)
1. Ааттыын уратылар — талаан уонна кэрэ
Л дьас оҕо сылдьан, ороннор икки ардыларыгар кы-
Ру( һыл, күөх, саһархай, маҥан саптары баайталыы
тардан баран, Эллэй, Чаҕылҕан, Таллан Бүрэ, Дьуон
Дьаҥылы, Баал Хабырыыс буола оонньуурум. Быысапка-
лыыр идэлээх эдьиийдэрим барахсаттар Фросялаах Роза
быыкаайык хамнастарыттан ордорунан ылыммыт хаарыан
саптара маннык оонньуу кэнниттэн бөххө эрэ быраҕылла-
ра эбитэ буолуо...
Суруйааччылар ааттарын, бука, аҕам элбэх ахсаан-
наах хоноһолоруттан истэн, хаһан да умнубаттык өйбөр
өйдөөн хааллаҕым. Оттон кинилэр кимнээх, туох идэлээх
дьон буолалларын билбэт да этим. Ааттара олус интэриэ-
һинэйэ. Киһи өйүттэн мээнэ тахсан биэрбэт дьикти-кэрэ
ааттар.
Кэлин улаатан иһэммин, уһулуччулаах дьон итиэннэ
кыраһыабай кыргыттар ааттыын-суоллуун ураты буо-
лалларын өйдөөбүтүм...
2. Ырыа кырдьыбат күүһэ
Ааҕарга үөрэнэн баран, Эллэй поэт буоларын билби-
тим. Кини ырыаларын оскуолаҕа үөрэтэллэрин кыра кы-
лаастан наһаа да абааһы көрөрүм. Суох, ол Эллэйи абааһы
көрөрбүттэн буолбатах. Ол барыта ыллыыр куолаһа суох-
путтан, онтон олус кыбыстарбыттан этэ. Кылаас оҕото
барыта “Табаны” ыллаан ньиргиттэҕинэ истэргэ эчи үчүгэ-
йин! Кинилэри кытта тэҥинэн ыллаһар куолаһа суохпут-
тан хомойорум, санааргыырым.
Айыллыбыт Айылҕа Ийэбиттэн куолаһа суох ананан
үөскээбитим оскуолаҕа да, Бүлүүтээҕи педучилищеҕа да,
бэл билигин, үөрүүлээх бары малааһыннарга да олус кы-
быһыннарар... Киһи барыта сирэйдиин-харахтыын сырдаан,
үөрэ-көтө ыллыыр, оттон мин ала тураах буоламмын,
ойуччу олорон хаалабын.
